Popular Bible Verses from Matìo 7

Matìo 7:7

To kə Kəzə̀ kə̀ Fughu ko

“E bvʉa tsughuu nlò fəgha ko, Zə̀ kə m fùghù wò â ghɛ̀, e kəŋo tsughuu nlò fəgha ko, Zə̀ kə n dè wò â ghɛ̀, e tsʉʉn tsughuu nlò bâʼ kò, Zə̀ kə n tsʉ̀ è tsughu.

Compare

Explore Matìo 7:7

Matìo 7:8

To kə Kəzə̀ kə̀ Fughu ko

Nu ghùw wəla ù nɔe tsughu fəhga ko, ù sò kèle fəgha kə te ko; wəlà ù kəŋ, ù sò kòʼò nù; wəla ù tsʉʉn tsughu sugho, ghe n tsʉ tsughu kəbâʼ â wə̄n.

Compare

Explore Matìo 7:8

Matìo 7:24

To kə Kəzə̀ kə̀ Fughu ko

“Ghùw wəla ù zuw shwaʼ waŋa wən wo vʉ̀a ù bwìi nduw a te, ù lo dòʼn ko tǒ ghùw ù tɔ̀ɔ wəla ù fə̀ so e bəgha ndughu, kùʼ dzɔ̀ tsughu kəbəghànlò alo atīa.

Compare

Explore Matìo 7:24

Matìo 7:12

To kə Kəzə̀ kə̀ Fughu ko

À fi lo enyəa, ghəa ghə̀là ghù ləghaa enyəa ghî ghə̀ è ghəəŋ wo â ghù, e bɔɔm ghəəŋ nduw sugho ŋgòʼ è ghəa a te gho â ghì ghò. Kən lò fəgha kəla kə lo an laŋ kə Musî àsùghò fəgha kəla mwàʼsò kə Kəzə̀ kəla ghiīshʉ̀ghà a fə̀ tɔ naŋa tsughu.”

Compare

Explore Matìo 7:12

Matìo 7:14

To kə Kəzə̀ kə̀ Fughu ko

Fu u mbɛ̀ wəla u nîi nduw ghùw am mùghùu zəla e doʼò tən kuuwn too nù, dziī fə te fia fə bə̂əŋ lô sugho; à fughu tsəghà nyə̌a kô sə fə aghì.”

Compare

Explore Matìo 7:14

Matìo 7:13

To kə Kəzə̀ kə̀ Fughu ko

“Tsəgha nyə am fù u mbɛ̀ ù tughoon wo. Ndə̀mà tə aghì tə̀ tùghuu tsə̀ghàa nyə̌a ko am fù u mbɛ̀ u ne wo, mò à lǒ dzì è bùghùun zəla ghe lo dzûuw maʼà ndə̀mà tə ghì ghəla ghe tsəghàa nyəā a te.

Compare

Explore Matìo 7:13

Matìo 7:11

To kə Kəzə̀ kə̀ Fughu ko

Ghɛ̀ ghəla ghɛ̀ lô ghî à biigh gho, abugho ghɛ̀ lo alekwo alefughuu wɛ ghɛʼɛ gho â fʉgha ù dzûŋ wò, Tsele wɛʼɛ wəla ù lò alo kəwālā lo alebòʼò fughu ênzə̂n fʉgha ù dzûŋ wò â ghì ghəla ghe bvʉ nduw â wə̄n à!

Compare

Explore Matìo 7:11

Matìo 7:1-2

To kə Kəzə̀ kə̀ Fughu ko

“Kà nlò ghî ghə̀ èsaʼa, ghe lô saʼā sughò ghɛ. Tɔŋlo enyəa ghe lô ghɛ̀ bɔɔm saʼa ko an dziī è mɔ̀ʼɔ zəla ghɛ̀ saʼa sughò ghî ghò a te. Ghəa ghəla ghɛ̀ ghəŋlo â ghì gho, Zə̀ kə lo â ghɛ̀ bɔɔm ghəəŋ sùghò êzə̂.

Compare

Explore Matìo 7:1-2

Matìo 7:26

To kə Kəzə̀ kə̀ Fughu ko

Yia abugho ghùw wəla u zuw shwaʼ waŋa wən wo, vʉ̀a ù tàʼkè naŋa kə̀tuŋlo a te, ù lo dòʼn ko tǒ làʼsò kə ghûw kəla kə fə̀ so e bəghaa ndughu, ù m bəgha tiso kɔʼ ndùghù è wə̄n alo kəshīashīa.

Compare

Explore Matìo 7:26

Matìo 7:3-4

To kə Kəzə̀ kə̀ Fughu ko

À lǒ kwò ghù sò koʼò ko sugho e fəkàʼ zəa e lo an sə e wàazùghù, kuuwn kòʼò yò tɔ̂ŋ chia kə lo alô è zəghà zò esə à? Ghù lò ênzə̂n aledzàa ndûw â wàazùghù enyəa bùghò tò Ǹ nîi nughù səā wô sugho e fəkàʼ e zəa e lo an sə zəghà a, mò ghù kà bùʼ nì nùghù sə̀ wò dzə̀ tɔ̂ŋ kə fəkàʼ chia kə lo alô è zəghà zò esə à?

Compare

Explore Matìo 7:3-4

Matìo 7:15-16

To kə Kəzə̀ kə̀ Fughu ko

“Nǐ nlò ghôom zò, ghiīshʉ̀ghà ghə agha a lo nû; ghe bughòo a vʉ̀a ghɛ̀ tò təndzì, mo ghe biso lo ubʉgha. Ghɛ̀ lô ghee kele ko am mwam e ghee. Nu ghùw yo alekʉ̀ɛɛ səā tsughuu wô tə̀lama kwùu tə tənyɔ̌ɔŋmgbê ŋkāa ghùw yo sughò alekʉ̀ɛɛ səā tsughu wô àŋgəm aŋ kàʼ fə echwàn.

Compare

Explore Matìo 7:15-16

Matìo 7:17

To kə Kəzə̀ kə̀ Fughu ko

Kâʼ fə̀ dzûŋ fə telè mʉ̌a tsughu kô twam u dzûŋ wò sughò. Kâʼ fə̀ biigh fia fə telè mʉā tsughu sughò twam ù biigh wo.

Compare

Explore Matìo 7:17

Matìo 7:18

To kə Kəzə̀ kə̀ Fughu ko

Kâʼ fə̀ dzûŋ fə mʉa yo tam kə̀ biigh ko, kâʼ fə̀ biigh fia fə yô sugho alemʉ tam kə̀ dzûŋ kò.

Compare

Explore Matìo 7:18

Matìo 7:19

To kə Kəzə̀ kə̀ Fughu ko

Kâʼ fəla fə mʉa yô twam ù dzûŋ wò, a m gbò è kpaa.

Compare

Explore Matìo 7:19

Popular Bible Verses from Matìo 7Share

Free Reading Plans and Devotionals related to Matìo 7

Popular Bible Verses from Matìo 7