Popular Bible Verses from Jon 11

Share

Izek Ye̱su̱ nonno ne, “Annit ci kingane ol daiza kuruget. Ming a̱tu̱ya̱ e̱e̱ti̱ annita, ming a̱da̱k nu̱nu̱n, aruge atin. Ming aruge e̱e̱ti̱ kar ku̱tu̱ zoz cinanni, iróng atin a̱da̱i̱ udut. A̱tu̱yyu̱ zoz necu de̱de̱?”

Ize zin Ye̱su̱ ne, “Ngen ba̱li̱ye̱ ku̱du̱wa̱i̱n, ming a̱tu̱ zoz cinanni, acinni atin doiz ci Ta̱mu̱ta̱dde̱no̱?”

U̱tu̱lu̱ zin Ye̱su̱.

Baling izik Ye̱su̱ zoz neci, ize ne, “Iróng atin morizi neci een daiz. Anyike atin morizi neci zar cik Ta̱mu̱ta̱dde̱no̱ ku̱bu̱lte̱, kar ol ki̱di̱ngdi̱nga̱ni̱t Ngerrti Ta̱mu̱ta̱dde̱no̱ morize necu.”

Baling u̱du̱wa̱ Ye̱su̱ zoz necu, utu zin daizoit muluwe ci a̱bu̱le̱, ize ne, “Lazaru, iyowa re̱e̱nu̱n!” Iyowa zin e̱e̱ti̱ neci bali a̱da̱k ke̱ re̱e̱nu̱n, a̱lu̱ce̱ azzina ciginnek ki zo̱o̱ ki ngu̱m ru̱u̱ma̱ni̱ne̱ cik voorik. Izek zin Ye̱su̱ nogo ne, “Aarta ru̱u̱ma̱ni̱ ne̱k daizak ko̱ kar zin aanycik nonno kuk.”

U̱u̱c zin bo̱do̱k Ye̱su̱ zinin oroot kar zin kuk ngi̱lo̱ma̱, a̱ri̱ta̱ne̱k da̱ ol ngi̱lo̱m neci bee utug ku̱bu̱ng.

Baling u̱du̱wa̱ Ye̱su̱ zoz necu, kar zin ku̱du̱wa̱k nogo azi ne, “Adunge gotoneti ci een Lazaru, kokko zin anna nginati kar kuk ki̱ti̱ngka̱ nonno.”