Popular Bible Verses from Kananet 28

Share

Kaave anna ngatunne kar atin kuzutin odohize ngati okkoye, kanyahanni atin i̱nne̱t kobodani rok lo̱o̱c cu. Iróng atin anna kungneki lo̱o̱c ming ngen anna kedeca zoz bali ka̱du̱wa̱ki̱ ke̱.”

Imma go̱o̱le̱ neci ta̱dde̱na̱, abile Manyi nginati, kar enne kize ne, “Ke̱e̱ni̱ anna Manyi, Ta̱mu̱ta̱dde̱n ci baatunne Aburaham ki baatunne I̱sa̱ko̱. Kaanyi atin i̱nne̱t ki dooli cigunnek lo̱o̱c ci oonge i̱nna̱ ko̱.

Baling itinga Ya̱ko̱bo̱ ungnyahe, i̱no̱n enne azi ne, “De̱de̱ aave Manyi ngatu, iróng zin da̱ anna ka̱gga̱.”

Idiman zin Ya̱ko̱bo̱ olom, azi ne, “Ming aave Ta̱mu̱ta̱dde̱n ngatinanni kar kicina annit ngati kerone kar kaanya atin da̱i̱ne̱t ki ru̱u̱ma̱ni̱ kar atin anna ki̱mi̱re̱ labak kuk ce̱e̱ze̱ ci baba, kar zin Manyi kize Ta̱mu̱ta̱dde̱n cinanni kar bee bali karike anna kize lolac ke̱ kize atin Ce̱e̱z wa Ta̱mu̱ta̱dde̱no̱, kar atin kaala cik aanya i̱nna̱ annita ko̱, kokko atin anna kaanyi i̱nne̱t Ta̱mu̱ta̱dde̱n co̱de̱ kaale cik e̱e̱ggi̱n omoto.”

Ovvo atin dooli cigunnek atubo ki azac ci lo̱o̱tu̱, azawonik atin dooli cigunnek lo̱o̱cco̱k cik aavtte nyigja ki je̱e̱na̱, ki bo̱do̱k i̱do̱wa̱ ki i̱do̱li̱ya̱. Ovvo olli lo̱o̱tu̱ do̱o̱k amuda ma̱yu̱we̱ne̱t ngatunne ki dooli cigunnek.

Akatek zin enne ngin neci kize Bethel, ming nu̱nu̱n azi zar cik orog neci arrak ba̱li̱ye̱ ne Luz.