Popular Bible Verses from Mateu 5

Share

Man mba te imenger mba cirin kapu sha mi ga, kpa ka i ver sha daar u pendan imenger sha mi, nahan i wanger mba ve lu ken iyou la cii je. Kape ne kpaa iwanger yen i̱ wanger sha ishigh ki iorough la, sha u ve̱ nenge aeren a en a dedoo man ve̱ civir Ter wen u A lu Sha yô.

Ne mba iwanger i tar. Gar u i maa un sha igungu, lu myer ga.

Saan mba ve lu asema wang la iyol, gadia vea nenge a Aôndo.

Saan mba ijen i ker ve, man imura kpaa, sha kwagh u perapera la iyol, gadia vea ide.

Kpa Mo yô, M kaan ne Mer: Doo nen a mbaihomov enev, man shi eren nen msen sha ci u mba ve tev ne a ican yô

Saan mba ve lu mbaibanave ken jijingi la iyol, gadia tartor u Sha ka u ve je.

Saan mba ve ker num la iyol, gadia á yila ve er, ônov mba Aôndo.

Saan mba ve zungu la iyol, gadia á sur ve asema.

Saan mba i eren ve ican sha ci u kwagh u perapera la iyol, gadia tartor u Sha ka u ve je.

Saan mba ve zungu mhôônom la iyol, gadia á zungwe ve mhôônom.

Saan ne iyol zum u ka a heen ne, a tôvon ne a ican, man a teren ne sha hanma inja i ifer sha aie, sha ci Wam yô, ember nen, i̱ saan ne ken ishima tsung, gadia injar yen vese Sha, gadia kape ve tôv uprofeti mba ve vande a ven la a ican je la.

Saan mba ve lu a ishima i legh legh la iyol, gadia tar ua lu dyako ve je.

Ne mba bar u tar; kpa aluer bar una kera nyoho ga yô, ka sha nyi je á sôr unu? Una kera lu a inja sha ma kwagh je ga, á gba haan kera tsô, ior á ndyar angahar.

Nahan yô, lu nen vough er Ter wen u Sha A lu vough nahan.

Kpa kwaghôron wen yô, “Een” wen a̱ lu “een” heregh, man “ei” wen kpaa, a̱ lu “ei” heregh. Kwagh u una seer sha mban yô, ka u a dugh ken ifer je la.

Ne ungwa i kaa er: Ishe sha ishe, inyigh sha inyi; kpa Mo yô, M kaan ne Mer: De hendan nen a or u ifer ga; kpa hanma or u nana ta u sambe sha hengegh ku yanegh yô, gema nan kugenegh kpaa.

Man aluer ishe you i ken iyan ia na u anzughul yô, dugh i, ta kera; gadia á lu u guda u ilyeegh you i môm ki saa a u ma i gbihi iyol you jimin ken gehena la. Man shi aluer uwegh ough ku yanegh kua na u anzughul yô, tôndo ku, ta kera, gadia á lu u guda u ilyeegh you i môm ki saa, a u iyol you jimin ma i nyer ken gehena la.