Popular Bible Verses from Lukas 17

Share

Nakuanni joo tomasolak, “Ke'dehmoko mumale. Dipasalama'moko, nasaba' mukatappa'ina'.”

Ia ke mpugaukki dosa lako kalemi pempitu sangngallo, na pempitu too ratu lako kalemi mpenassanni dosana nameta'da didampangan, la midampangan tooi.”

Denmi mesa' joo tomasolak pole boko' nnandongngi mangkada mpakala'bih Puang Allataala, sanga ngkitai kalena kumua malagahmi. Ia tonna ratumo lako Puang Isa suju'i jiong to' aje-Na mangkurru sumanga'. To-Samaria joo tau.

Majaga kamu'! Pakainga'i to padammi tomatappa', ke mpugaukki dosa lako kalemi. Ia ke menassanni, dampanganni.

Nakuamo Puang Isa, “Tangmalagah ngasanmiraka to tau sangpulo nena'? Umbomira to kasera?

Mebalimi Puang Isa nakua, “Ia ke denni kamatapparanmi moi pada bangra lise' sawi, wa'ding kamu' kumua lako tee garonto' kaju tonggo, ‘Tiangka'ko mutitanan lan tasik’, nang la naturu'i to kadammi.”

Ia to tonturu' bang pakkaeloran penawanna, te'da nalannampa' katuoan melo te'da cappa'na. Apa ia to tonturu' tarruhna' moi la dibuno, iamo la nnampa' katuoan melo te'da cappa'na.

Nakua Puang Isa lako anak gurun-Na, “Nang la den to tossede tau mpugauk dosa. Apa macilaka joo tomassede. La'bih melo ia, ke ditoke'ii batu pelullu' gose' to kollongna, naditallanan do' tasik, na ia ke pangkatumanganna nasala mesa'na tee mai pea biccuk na te'damo namatappa' lako Aku'.

Ia ke wattunnamo' ratu pole' tee Aku', Anak Mentolino, la susi tonna linona Nabi Nuh tonna anu'. Ia to tau mangmaroah-roah bang, nakebaine-kemuane. Susi tarruhmi joo ratu lako mentamanna kappala'na Nabi Nuh, anna ratu to wai saba' ssolangngi ngasanni.