Popular Bible Verses from ŊWED MBON PHILIPPI 2

Share

Ekunam baba ŋkpɔ kiet ke ndomo-idem mme ke ntaŋ-idem, edi yak owo kiet kiet ada nsuhɔre-esit abat ete, owo eŋwen ɔfɔn akan imɔ. Kuyak mbufo ese ŋkpɔ eke mbufo, edi ekam ese ŋkpɔ owo eŋwen.

Yak mbufo enyene oruk esit emi okodude ke Christ Jesus.

Okposuk edi nte enye ekedide mbiet Abasi, Enye ikabatke ndida ŋka-ŋka ye Abasi ke ŋkpɔ eke okpomumde akama: edi Enye akaŋwaŋa idem Esie, ada mbiet ofin, owut idem nte owo; ndien sia Enye ɔwɔrɔde edi ke ido owo, Enye ɔsuhɔre idem, akabare osuk ibuot tutu ɔsuŋɔ ke mkpa, kpa mkpa cross.

koro edi Abasi esine mbufo ke idem anam mbufo enyime enyuŋ enam, man eti uduak Esie ediwɔrɔ.

Ke ntak oro Abasi ekemenere Enye onim ke enyɔŋ, onyuŋ ɔnɔ Enye enyiŋ emi okoŋde akan kpukpru enyiŋ; man ke enyiŋ Jesus kpukpru edɔŋ ekpetɔŋɔ enɔ Abasi, ye eke mme andidu ke heaven, ye eke mme andidu ke isɔŋ, ye eke mme andidu ke idak isɔŋ; kpukpru edeme ekponyuŋ enyime ete Jesus Christ edi Ɔbɔŋ, enɔ Abasi Ete ubɔŋ.

Ke erinam kpukpru ŋkpɔ etre nsuk-uyo ye eneni; man mbufo ekunyene ubiom-ikpe, ekunyuŋ enyene ndudue, edi edi nditɔ Abasi eke enanade ndo ke ufɔt ŋkwakwaŋa ye idiɔk emana; emi mbufo ke eyayama ke otu mmɔ nte ntantafiɔŋ ke ererimbot

Ntre, ndima mi, kpa nte mbufo ekam esukde ibuot enɔ uyo mi kpukpru ini, idige ke ini ndude ye mbufo ikpɔŋ, edi akpan-akpan ke ini mmenduhe ye mbufo, esaŋa ke ndik ye nnyek-idem enam erinyaŋa mbufo ɔwɔrɔ usuŋ