Popular Bible Verses from MARK 2

Share

Edi ke adaŋemi Jesus okopde, Enye ete mmɔ, Mmɔ emi enyenede nsɔŋidem iyomke abia-ibɔk, edi mmɔ emi edɔŋɔde eyom: ŋkedige ndikot ndinen owo, edi mme idiɔk owo.

Ndien ke ini Jesus okutde mbuɔtidem mmɔ, Enye ɔdɔhɔ ɔdɔŋɔ-akpa-ubeŋ ete, Eyen Mi, emefen mme idiɔk-ŋkpɔ fo.

Ndien Jesus ɔdɔhɔ mmɔ ete, Ekanam usen sabbath enɔ owo, inamke owo inɔ usen sabbath

Edi sia mmɔ mikemeke ndida enye ŋkpere Jesus ke ntak otu owo, mmɔ ekibɔre ɔkɔm ufɔk ke ebiet eke Enye etiede: ndien ke mmɔ ema esiak ɔkɔm, mmɔ esuhɔre mbri emi ɔdɔŋɔ-akpa-ubeŋ anade ke esit.

Edi man mbufo efiɔk ete, Eyen Owo enyene odudu ke isɔŋ ndifen mme idiɔk-ŋkpɔ (Enye ɔdɔhɔ ɔdɔŋɔ-akpa-ubeŋ ete), Ndɔhɔ fi nte, Daha ke enyɔŋ, men mbri fo, nyɔŋ ufɔk.

Ewe emem akan, mme ndidɔhɔ ɔdɔŋɔ-akpa-ubeŋ ete, Emefen mme idiɔk-ŋkpɔ fo; me ndidɔhɔ enye ete, Daha ke enyɔŋ, men mbri fo, nyɔŋ?

Ekem owo oro adaha ke enyɔŋ, emen mbri esie ini kiet, onyuŋ asaŋa ɔwɔrɔ ke iso mmɔ kpukpru: esin idem akpa mmɔ kpukpru, mmɔ enyuŋ etoro Abasi ete, Akananam nnyin ikwe oruk ŋkpɔ emi.