Popular Bible Verses from MATTHEW 28

Share

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit: enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

Edi angel ɔbɔrɔ iban oro, ete, Mbufo ekufehe ndik: koro mmɔfiɔk nte mbufo eyom Jesus emi ekowotde ke cross. Enye iduhe mi; Enye emeset kpa nte ɔkɔdɔhɔde. Edi edise ebiet emi Ɔbɔŋ akanade do.

Ndien Jesus ɔdɔhɔ mmɔ ete, Ekufehe ndik: eka ekɔdɔhɔ nditɔ ete Mi, ete, mmɔ enyɔŋɔ eka ke Galilee; mmɔ edinyuŋ ekut Mi do.

Ndien ke ini mmɔ oro ema ekobono ye mbiowo, enyuŋ esobo ibuot ekere, mmɔ enɔ mbon-ekɔŋ ediwak okuk, ete mmɔ oro, Mbufo edɔhɔ ete, Mbet Esie ekedi ke okoneyo ediyip Enye, ke adaŋemi nnyin idede idap. Ndien edieke ikɔ emi osimde andikara utɔŋ, nnyin iyekpe ye enye, isio mbufo ke ndik. Ntre mmɔ oro ebɔ okuk, enam nte etemede mmɔ: ndien ikɔ emi asuana ke otu mme Jew tutu osim mfin emi.