Popular Bible Verses from ŊWED MBON COLOSSAE 3

Share

eme ime ye kiet eken, enyuŋ efen kiet eken, edieke owo mbufo ekededi enyenede ikɔ ye owo; kpa nte Ɔbɔŋ ekefende mbufo, efen mmɔ eŋwen kpasuk ntre.

Esin esit ke ŋkpɔ enyɔŋ, ekusin ke ŋkpɔ isɔŋ.

Sededi eke mbufo enamde, enam ke ofuri esit, nte ŋkpɔ eke enamde enɔ Ɔbɔŋ, minamke inɔ owo

Nte mmɔ emi Abasi ekemekde, emi Abasi akanamde mmɔ esana onyuŋ amade, eda ndien esit mbɔm esine, ye mfɔn-ido, ye nsuk-idem, ye ifure-ifure ido, ye ime

Mbufo enyuŋ enyene esit ekɔm. Eyak ikɔ Christ odu ɔyɔhɔ-ɔyɔhɔ ke esit mbufo ke kpukpru eti ibuot; emen psalm ye hymn ye ikwɔ uwem spirit ekpep enyuŋ eteme kiet eken, ekwɔ itoro enɔ Abasi ye esit ekɔm. Sededi mbufo enyuŋ enamde ke ikɔ ye utom enam kpukpru ke enyiŋ Ɔbɔŋ Jesus, enɔ Ete ekɔm oto ke Enye.

Ndien ekɔrɔ ke kpukpru ŋkpɔ, esine ima, emi edide se ibɔpde uwem adiana inam ɔfɔn ama.

EDIEKE ekanamde mbufo eset ye Christ ndien, eyom ŋkpɔ enyɔŋ, emi Christ odude do etie ke ubɔk nnasia Abasi.

Eyak emem Christ akara ke esit mbufo; ekekot mbufo eduk ke idem kiet, man enyene emem oro.

Mmɔdo ewot mbak idem mbufo emi edude ke isɔŋ. Ekpɔŋ use, ye ndek-ndek ido, ye idiɔk udɔŋ, ye idiɔk itɔŋ, ye erisin esit ke ŋkpɔ owo, emi edide ukpono-ndem

Koro mbufo ema ekpa ema, uwem mbufo onyuŋ odibe ye Christ ke Abasi.

Edi ke emi mbufo enyuŋ eduɔŋɔ kpukpru ido emi; esio iyaresit, ye ifuresit, ye udu, ye idiɔk ibaŋa, ye mbubiam ikɔ ke inua mbufo efep.

Ekusu nsu enɔ kiet eken, koro mbufo ema ekesio akani owo ye utom esie eduɔk, ema enyuŋ esine obufa owo, emi ediɔŋde diɔŋ enam enye edi obufa, enyene mbiet Andibot enye, man enye ɔfiɔk ŋkpɔ

Mme ebe, ema iban mbufo, ekunyuŋ esɔŋ ido ye mmɔ.

Nditɔ esuk ibuot enɔ mme ete mbufo ye mme eka mbufo ke kpukpru ŋkpɔ, koro emi enemde Ɔbɔŋ esit.

Iban, esuk idem enɔ mme ebe mbufo, nte odotde ke Ɔbɔŋ.