Popular Bible Verses from LUKA 12

Share

Nimu ma kuga marim̃ata sua: nalakena aura waina ku da midoaki nia mau naatam̃oli Natuna ega wo umai asa.

Ma kuga laaga namarakiana aneana, go ega wo dua mu tea maga wanogoe euga wo sokari a.

Go e noa ki da, e naga, Kuga vunusi, po dum̃amu pavaigoro mu pa dua ki sara namatam̃aguraana: nalakena naloriki laapa waina naatam̃oli sikai e peani ra eu da pei namauriana aneana mau.

Nalakena tokora waina naloriki tauakiana animu e doko asa, tokora wanogoe nap̃op̃omu ma ega wo doko asa.

Go nimu sei kakamu e pe midoaki paratiki e pe mari atae sokari navarauana aneana kubit sikai?

Go e noa ki tea vasapiseikiana aneana maga, e naga, Nalakena tea wanogoe a noa ki mu, a naga, Kuga ta magi namauriana animu midoaki paratiki mau, tea waina kuga wo gani a; go magi nap̃atokomu mau, tea waina kuga wo suni a.

Ma napati maga ni nalolu ni nap̃aumu eu pei tea veveana puti. Kuga ta mataku mau: ku p̃ia liu sparro laapa.

Kuga ta mataku mau, navata kiki; nalakena Tamamu e masauna naga ega tua mu namarakiana.

Kuga midoaki usiusi reven maga, naga eu da lalawo mau, go eu da kilikili mau; waina eu da peani em̃ago ni store mau kite nasum̃a ni korn mau; go Sup̃e e pagani ra: nimu ku da p̃ia liu p̃arua ki manu maga kite?

Go nimu kuga ta laaga tea waina kuga wo gani a, go tea waina kuga wo munugi a, go kuga ta midoaki putuaki mau.

Ma Sup̃e e pe sugoro nam̃enau ni vanua e pe dapala nogoe, waina e doko masoso, go matamai e pei tea nadikiana paki upu; e pe wo da sugoro mu e pe liu p̃arua ki nia kite, tea saralomau kiki maga?

Ma te navatuna e da pei tea tap̃augoroana, waina ega wo da pei tea maripakasakiana mau: go tea surukiana, waina ega wo da pei tea ataeana mau.