Popular Bible Verses from LUKA 11

Share

Go nimu, waina ku sa, ku pe atae naga kuga tua natumu maga navituaana wia maga, Tamamu ni nakoroatelagi e pe wo pitua e pe warua liu sa paki Naatana Tapu paki tea maga waina eu datagovi a asa.

Go kinau a noa ki mu, Kuga tatago, go ega wo pei tea vituakiana paki mu; kuga laaga, go kuga wo pap̃ai; kuga p̃okawoka, go ega wo manimu pei tea wolagatiana.

Nalakena sara naata waina eu datago eu dua ra eu dape; go tea waina e laaga e pap̃ai; go tea waina e p̃okawoka ega wo maneana pei tea wolagatiana.

Go e noa ki da, e naga, Ragi waina ku dapasavasa kuga naga, Mama aginami, Nagisam̃a ega tapu. Namarakiana anigo ega umai.

Go p̃a maginami midoakikorokoro namarinaleosaana aginami maga; nalakena kinami ma au do magi sara naata waina naleo aginami e one ara one au madeada midoakikorokoro e. Go p̃a ta piragi gami paki namaridogoana mau.

P̃a tua gami sara naaleatia navinaga waina e p̃ia ki gami.

Namatam̃a e pei nasulu ni nap̃atokom̃a: ragi waina namatam̃a e p̃ia, nap̃atokom̃a mamau ma e marama; ma ragi waina e sa, nap̃atokom̃a ma e maligo.

Ragi waina te naata e dokoni nasulu sikai, e da lawo ki nia em̃ago ni etano mau, kite nawoka ni lasa totowo waina e dap̃olosiwo doko mau, ma e lawo ki nia naliana, naga tea maga waina eu paki ekopu euga vunusi namarama.