Popular Bible Verses from YOANE 2

Share

Naatulakeana wanogoe ni navaivaiana maga Yesu e mari a Kana ni Calilea, po mari nasamasamaana aneana e doko lina asa; go tea vasapiseikiana aneana maga eu saralomau asa.

Go Yesu e noa ki nia, e naga, Aga kasa ki‐go, koroi? Aura aginau e ko da umai mau.

Yesu e noa ki da, e naga, Kuga vakavuro noai ni vatu maga ki noai. Go eu pakavuro ra eu pura matoto. Go e noa ki da, e naga, Kuga vautu ragi waia, po dape a pano dua tea maraki nakaniana asa. Go eu dape e pano.

Yesu e pasa dara po noa ki da, e naga, Kuga rakai nasum̃a tapu waia, go aga wo sike a ega tuleana naaleatia dolu.

go e mari tea varati sikai ni namea kiki maga, po kopasi puti ra paki etaku ni roara ni nasum̃a tapu, shiip maga go oks maga; go e da ki m̃ane ki tea surupioli ki m̃ane maga, po dapera ki wede adeada maga; go e noa ki tea maga waina eu sori tokopea maga, e naga, Kuga tape lua tea maga waia euga m̃elu dua ki tokora waia pano; kuga ta mari nasum̃a ki Tamagu ega vei nasum̃a ni navakokotoana mau.