Popular Bible Verses from JOHANESE 14

Share

“Ke le tlogelela khutšo; ke khutšo ya ka ye ke le fago yona. Ga ke le tlogelele yona bjalo ka batho ba lefase. Le se ke la ferekana, le se ke la boifa.

Jesu a mo fetola a re: “Tsela ya gona le therešo le bophelo ke nna. Ga go yo a yago go Tate ge e se ka nna.

“Le se ferekane; le dumele go Modimo, le nna le dumele go nna.

Mothuši, e lego wona Moya wo Mokgethwa, wo Tate a tlago o roma a kgopetšwe ke nna, o tla le ruta dilo ka moka, a le gakolla tšohle tše ke le rutilego tšona.

“Yo a amogelago melao ya ka mme a e phetha, ke yena yo a nthatago. Gomme yo a nthatago ke yena yo a tlago ratwa ke Tate. Le nna ke tla mo rata, ka ikutollela yena.”

Ke tla kgopela Tate a le fa Mothuši yo mongwe wa go tlo dulela le lena sa ruri. Ke yena Moya wa go utolla therešo, wo batho ba lefase ba sa kgonego go o amogela, ka ge ba sa o bone ebile ba sa o tsebe. Lena le a o tseba ka gobane o dula le lena, ebile o tla no ba mo go lena.

Gomme se le kago nkgopela sona le le ba ka, ke tla se dira, gore batho ba bone letago la Tate ka nna, Morwagwe. Ge le nkgopela selo ka ge le le ba ka, ke tla se phetha.”

“Ge le nthata, le tla phetha melao ya ka.

Ka ntlong ya Tate go na le madulo a mantši; ge go ka be go se bjalo, na nkabe ke le botša gore ke ya go le lokišetša madulo?

Ge ke ile go le lokišetša madulo, ke tla boa ka tla ka le tšea gore le lena le yo ba mo ke lego gona.

Thomase a re go yena: “Morena, re ka re re sa tsebe mo o yago, tsela ya go ya gona yona ra e tseba?”