Popular Bible Verses from Tɩntɩŋŋaa 1

Share

Ama dɩ Wɩa nɛ joŋ ʋ Dɩŋ-zɔmʋŋ hɛ ma lɛ, ma jaŋ kɛŋ doluŋ, a dii mɩ dansɩa a bʋl mɩ wɩaa Jerusalɛm arɩ Judiya tinteeŋ kala arɩ Samarɩa lɛ, a kaa mʋ dʋnɩa sɛmɛ kala lɛ.”

Ŋɩɩ nɛ Yesu bʋla pɩba, “Mɩ Nyɩmma nɛ kɛŋ doluŋ a hɛ bʋa-la koo tapʋlɩa-la wɩalɩŋ sɩ jaŋ ŋaa. Ʋ tuo ma wɩɩ dɩ ma jɩŋ.

Bʋa kʋbala lɛ, ʋ dɩ ba hɔnɔ didii kɩaa ʋ bʋla pɩba, “Má sɩ́ Jerusalɛm lɛ lɩɩ, má gbɛrɛ mɩ Nyɩmma zile kʋ-la ʋ sɩ sɩ ʋ jaŋ joŋo pɩma, kʋ-la wɩaa mɩ fa sɩ bʋla pɩma. Jɔɔŋ fa kɛŋ lɩɩŋ nɛ a fufo nɩaa Wɩɩchʋɔlɛ lɩɩŋ. Ama ʋ bɩ dieni, ka dɩ Wɩa joŋ ʋ Dɩŋ-zɔmʋŋ hɛ ma lɛ.”

Ʋ sɩ sii sʋʋŋ lɛ, ʋ kɛŋ ʋ tɩtɩa kʋ dagɛ ʋ nanzɔɔba-la a yʋgɛ nɛ tapʋlaa mahɩŋ balɩa pɛgɛ. Wombiee yʋga nɛ ʋ to kɛŋ ʋ tɩtɩa dagɛba arɩ ʋ weye, aŋ bʋl Wɩa kuorii-la wɩaa a pɩba.

Yesu sɩ bʋl ŋɩɩ dɛrɛ, Wɩa joŋu kaa jɩl Wɩa-jaŋ, ka ba chɩna bibeŋ. Ŋɩɩ nɛ duoŋ-bɩlɩmbaanɩŋ kʋ tɔʋ, ba bɩra bɩ ʋ na.

Ba ha sɩ wʋla bibeŋ wɩa-nyuŋ ŋɩɩ ka ʋ jɩjɩl, dɩ nɩaa balɩa nɛ guu chɩŋ ba sɛmɛ ŋɩɩ, a laalɛ gɛrɩ-pʋllʋŋ a pɩɛsɛba, “Galilii tɩmma, bɛɛ nɛ tɩɩ ma chɩnaa beŋ wɩa-nyuŋ? Yesu deeŋ Wɩa sɩ joŋo ma sɩpaaŋ a kaa jɩl Wɩa-jaŋ, ʋ jaŋ mɩɩra kɔ arɩ ma sɩ naʋ dɩ ʋ jɩl Wɩa-jaŋ ŋɩɩ.”