Popular Bible Verses from Luka 6

Share

Mlɩha aha tɔá dɛ amʋ́ hian, Bulu ɔbɛ́laha mlɩ. Ɔbɔ́pʋ atɔ susuhɛ wanklaan wa mʋ́, wʋsʋ mʋ́, sila mʋ́, ɩbɔ́bʋla tsitsa ha mlɩ. Tsufɛ tɔá fɔpʋsusu ha fʋ ba a, mʋ́ kɛn Bulu ɔbɔ́pʋsusu ha fʋ nɩ.”

Ɔha wanklaan tɛlɛ tsiatɔ wanklaan ɔwan tsu mʋ klʋntɔ, ɔha lalahɛ ɛ tɛlɛ tsiatɔ lalahɛ ɔwan tsu mʋ klʋntɔ. Tsufɛ tɔá ɩdʋn ɔha klʋn a, mʋ́tɛdalɩ tsu mʋ ɔnɔ.

Mʋ́ sʋ mlɩdwɛ mlɩ alupʋ, mlɩbwɛ yile ha amʋ́, mlɩpan amʋ́ atɔ, mlɩmátɩ amʋ́ akɔ, mɛnɩ Bulu ɔbɛ́ka mlɩ ɩkɔ tsɔtsɔɔtsɔ. Fówun mlɩlabwɛ Ɔsʋsʋʋsʋ mʋ Wie amʋ abi. Tsufɛ ɔbʋ awɩtɔlɛ ha aha ánɩ́ atɔ tamagyi amʋ́ ansɩ pʋ́ aha lalahɛ fɛ́ɛ́.

Mlɩbwɛ nwɛ awunpʋ fɛ alɩá mlɩ Sɩ Bulu gyi nwɛ owunpʋ.

“Mlɩmálɛ aha ɩla, mɛnɩ Bulu mɛ́ɛlɛ mlɩ ɩla. Mlɩmáha ɔhaa ɩpɔn, mɛnɩ Bulu ɛ ɔmɛ́ɛha mlɩ ɩpɔn. Mlɩsi mlɩ aba ɩla kie amʋ́, Bulu osi mlɩ klɛ kie mlɩ.

“Tamɛ ndɛ mlɩá mlonu bla mbɛɛ, mlɩdwɛ mlɩ alupʋ, amlɩbwɛ yile ha amʋ́. Mlɩyula aha ánɩ́ bʋtɔlwɩɩ mlɩ, amlɩbɔ mpaɩ ha aha ánɩ́ bʋtesia mlɩ.

Bwɛ ha aha alɩá fʋdekle fɛ́ɛ́ bʋbwɛ ha fʋ.

Nɩ ɔha ɔda fʋ ɩsʋtɔ a, damli nyɔsɩ ɛ ha mʋ ɔda. Nɩ ɔkʋ ɔswɩ fʋ tati a, wɔɩ fʋ atadɩɛ ɛ ha mʋ. Nɩ ɔkʋ ɔkʋlɩ fʋ atɔ a, ha mʋ. Nɩ ɔkʋ ɛ otsu fʋ atɔ a, máyɛhɔ mʋ́.

“Oyi wanklaan mɛ́ɛtalɩ swie abi lalahɛ. Alɩ kɛn oyi lalahɛ ɛ mɛ́ɛtalɩ swie abi wanklaan nɩ.

Tsufɛ oyi-ibi bʋtɔpʋbɩ mʋ́. Bʋtamakpɔtɩ kankaba okploto oyisʋ, bʋtamakpɔtɩ tsɔkpʋn ɛ tʋnkpa ɩflasʋ.