Popular Bible Verses from 2 Korintofɔ 5

Share

Mʋ́ sʋ nɩ ɔha mʋa Kristo bɔbwɛ ɩkʋlɛ a, alabwɛ ɔha pɔpwɛ. Mʋ tsiatɔ dada amʋ fɛ́ɛ́ ɩlatsʋn. Mʋ tsiatɔ labwɛ pɔpwɛ!

Tsufɛ Kristo mɔbwɛ lakpan kʋkʋ! Tamɛ Bulu lɔpʋ mʋ bɔ afɔdɩɛ anɩ lakpan sʋ, mɛnɩ ɔbɔ́tsʋn anɩa mʋnyɔ ɩkʋlɛbwɛsʋ tsu anɩ ánɩ́ anɩ asʋn da ɔkpa mʋ ansɩtɔ.

Ɩnɩ sʋ hogyi anɩlapʋ anɩtsie nkpa, megyi tɔá ansibi dewun.

Nkpa pɔpwɛ anfɩ itsu Bulu wa. Mʋlɔtsʋn Kristosʋ bwɛ anɩ anfɩ anɩgyi mʋ alupʋ anfɩ mʋ anyawie. Alapʋ agyʋma anfɩ wa anɩ ɩbɩtɔ, ɔbɛɛ alɛ aha bamba ɛ anyawie ha mʋ. Tsufɛ Bulu lɔtsʋn Kristosʋ ɔdɛ ɔyɩtɔ aha damli bwɛ mʋ anyawie. Ɔtra ɔmɛdɛ amʋ́ lakpan ɩwɩ akunta bu ha amʋ́. Ɩnɩ ɔlɔpʋwa anɩ ɩbɩtɔ ɔbɛɛ, abla aha nɩ.

Kristo atsɩamɩ anɩgyi, Bulu dɛtɔɩ tsʋn anɩsʋ ha mlɩ. Mʋ́ sʋ anɩlɩɩ Kristo ɔlɩɩkpa anɩdɛ mlɩ kokoli anɩaa, “Mlɩha Bulu ɔbwɛ mlɩ mʋ anyawie!”

Olowu ha aha fɛ́ɛ́ lɛlɛ, mɛnɩ aha ánɩ́ bénya nkpa pɔpwɛ amʋ bʋmɛ́ɛtra tsia nkpa alɩá bʋdekle. Mboun bétsia nkpa ha Kristo amʋʋ olowu, Bulu lɔkʋsʋa mʋ ha amʋ́ amʋ. Ɩnɩ sʋ anɩtra anɩmɛdɛ ɔhaa kɩ fɛ alɩá ɔyɩtɔ aha bʋtɛkɩ mʋ. Ɩbʋ mʋ́tɔá brɛ amʋ anɩletsia kɩ Kristo fɛ alɩá ɔyɩtɔ aha bʋtɛkɩ mʋ, tamɛ anɩtra anɩmɛdɛ mʋ kɩ alɩ.

Ɔdwɛ amʋʋ Kristo bʋ ha anɩ amʋ dɛ anɩ kpa, tsufɛ anɩlanu ɩwɩasɩá mʋ nkʋlɛ lowu ha aha fɛ́ɛ́. Mʋ́ sʋ mʋa aha fɛ́ɛ́ bawu.