Popular Bible Verses from 2 Korintofɔ 4

Share

Mʋ́ sʋ anɩmɛdɛ ɩwɩɔsɩn anfɩ anɩdewun anfɩ bu. Mʋ́á nyankpʋsa ansibi tamawun ɔkpa anɩdɛkɩ. Tsufɛ ɩwɩɔsɩn anfɩ ɩbɛ́ba bɔtsʋn. Ansigyi amʋʋ ɩbʋ ɔma, ibétsia brɛ fɛ́ɛ́ amʋ ɔkpa anɩdɛkɩ.

Mʋ́ sʋ abatɔ tamawu anɩ. Ɩbʋ mʋ́tɔá anɩ ɔyʋlʋ anfɩ idewu mʋ́, tamɛ Bulu dɛ anɩ ɔkla ɔwʋnlɩn wa ekekegyiɛkɛ. Tsufɛ ɩwɩɔsɩn kpalobi anfɩ anɩdewun sei anfɩ ɩbɛ́ha abénya numnyam kpɔnkpɔɔnkpɔntɩá ɩtamata, ɩdʋn ɩwɩɔsɩn anfɩ.

Bʋdɛ anɩ han ɔkpagyiɔkpasʋ, tamɛ bʋmɔkʋtalɩ sa anɩ tin. Ɩwɩ dɛ anɩ klɩ, tamɛ ɩmɔkʋkpɔn anɩ. Bʋdɩn anɩsʋ, tamɛ Bulu mɔkʋsi anɩ ha. Bʋtɛfɩn anɩ da, tamɛ Bulu sʋ anɩmɔkʋwu.

Tamɛ anɩgyi fɛ nlɔ pwɛhɛá siadɩɛ bʋ mʋ́tɔ. Siadɩɛ amʋ gyi wankɩ mʋ́a tumi anfɩ ɩdɛwankɩ anɩ klʋntɔ. Idesuna ánɩ́ tumi kpɔnkpɔɔnkpɔntɩ anfɩ imotsu anɩ, Bulu wa itsu.

Ɔbʋnsam gyi ɔyɩ lalahɛ anfɩsʋ ogyipʋ. Mʋlapʋ atɔ tin aha anfɩ bʋtamahɔ Bulu gyi anfɩ ansibi. Mʋ́ sʋ bʋmɛdɛ asʋn wanklaan amʋʋ igyi wankɩ amʋ asɩ nu nɩ. Wankɩ amʋ gyi Kristo. Mʋlɛhɩɛ lɩan Bulu numnyam nɩ.

Tsufɛ Bulu amʋʋ ɔlɛblɩ ɔbɛɛ, “Wankɩ ɩdalɩ tsu okluntɔ!” amʋ kɛn laha mʋ wankɩ amʋ ɩdɛwankɩ anɩ klʋntɔ. Ɩlaha anɩlabɩ ánɩ́ mʋ numnyam amʋ ɩdɛwankɩ Yesu Kristo ansɩtɔ.