Popular Bible Verses from Marku 2

Share

Muze Yesu hachivwa yaamba ngwenyi: “Ali ni tachi keeshi kufupa mbuki, alioze shina waze akuyiza e akumufupa. Chejile mu kutambika akwa ululi, alioze akwa lufuma mubi.”

Muze hamona ufulielo wo, Yesu yambila mukwa kalepa ngwenyi: “Mwanami, milonga ye hiyakonekenewa.”

Yesu yaamba nawa ngwenyi: “Tangwa lia kuhwima liatangiwile mumu ha yiwape ya mutu; hi mutu ko watangiwile mumu ha tangwa lia kuhwima.

Alioze kahashile kukundama kuli Yesu mumu ha kwoka cha mbunga. Kashika afukwile fulumba talanganyi ni haze abwile Yesu. Mu chitutulu chize alokwele, yaasunwishina mo mukwa kalepa wakubombesa ha muhela wenyi.

Alioze ngunazange nunyingike ngwenu, Mwana Mutu chiyulo akwete hano hashi cha kukonekena milonga.” Mba yambila mukwa kalepa ngwenyi: “Ngunakwambe ngwami: Katuka, anda muhela we, yako kwe ku mahie!”

Chashi chika, shina kwambila mukwa kalepa ngwami: ‘Milonga ye hiyakonekenewa,’ hanji kwamba ngwami: ‘Katuka, anda muhela we, wende’?

Atu eswe yaamutala. Mutu yoze yakatuka, yanda muhela wenyi nikawashi, yatuhuka ku meso ja atu eswe. Ayo eswe yaalishimwoka kuhiana, yaalemesa Zambi ngwo: “Kanda tuchimona kama nilimwe tangwa!”