Popular Bible Verses from Mateu 7

Share

“Etenu, mba kumunutambula; fupenu, mba kumunuwana; ngongwelenu, mba kumanwazulwila.

Mumu mutu mweswe wakwita, kakutambula; yoze Wakufupa, kakuwana; yoze wakungongwela, kakumwazulwila.

“Kashika, mutu yoze wakwivwa maliji jami ni kwalinga, kalifwa ni mukwa kukanyama yoze watungile zuwo lienyi ha luliwe.

“Lingilenu atu akwo yibema, ngwe chize nunazange ayo anulingile. Yenayo Shimbi ja Mose ni longeso lia akwa munanyi a Zambi.”

Alioze chikolo chize chakutwala ku mwono chili chikepe, ni ye jila yikalu, ni waze akuyiwana kaali akepe.”

“Njililenu ku chikolo chikepe. Mumu chikolo chize chakutwala ku kwonona chili chinene, ni jila yili yashi, ni waze akunjila mo kaali anji.

Nyi yenu abi, nunanyingika kwaha ana jenu yuma yibema, kuma Tatenu wa mwilu kechi kaaha waze maamwita yuma yibema, nyi?

“Kanda nuhisa akwenu. Nyi ka, Zambi makanuhisa. Mumu Zambi makanuhisa nikulita ni chize nwakuhasa akwenu. Makanwesekela yeseko yize nunesekela akwenu.

Mutu yoze Unevu maliji jami, alioze keshi kwalinga, kalifwa ni chihepuke yoze watungile zuwo lienyi ha masekeseke.

Kuchi unatale koma kaze kali mu liso lia mukwenu, alioze kuushi kwalula mukambo uze uli mu liso lie? Ngwe kuchi muuhasa kwambila mukwenu ngwe: ‘Ngweche nguchize koma mu liso lie,’ alioze yena mwene uli ni mukambo mu liso lie?

“Nukanyama mumu hali akwa munanyi a kupiangula. Kaakunusolokela ngwe mapanga, alioze muchima kaali tungunga asasu. Muunwanyingikina ku yitanga yo. Atu kaakuhela mihuko ya vinyu ku yibuta ya mingonga, nyi? Hanji makuyu (figu) ku mikalale, nyi?

Mutondo Ubema wakwima mihuko yibema, alioze mutondo ubi wakwima mihuko yibi.

Mutondo Ubema kuwahashile kwima mihuko yibi, ni mutondo ubi kuwahashile kwima mihuko yibema.

Mutondo weswe uze kuushi kwima mihuko yibema, maakaubatula, maakaumbila mu kahia.