Popular Bible Verses from Luka 5

Share

Muze hamanununa kuhanjika, yambila Simone ngwenyi: “Shinjika wato haze hasuku, mba yena ni masepa je sunwisenu manda jenu nukwate yishi.”

Simone ngwenyi; “Mwata, twahondangananga ufuku weswe, kutwakwachile nichimwe. Alioze ha liji lie mungusunwisa manda.” Yaasunwisa, yaakwata yishi anji, mba manda jo yabutuka kutanwoka.

Alioze Yesu yayaya ukawenyi kuze te akulembela.

Chejile mu kutambika akwa ululi, alioze akwa lufuma mubi, hanga alumuke ku mbunge.”

Ha kuchimona, Simone Petulu yafulamana ku molu ja Yesu nikwamba ngwenyi; “Mwene ngukatuke mumu nguli Chivulumunyi!”

Yesu yaakumbulula ngwenyi: “Ahinduka keeshi kufupa mbuki, alioze shina waze akuyiza enoo akumufupa.

Mba yaaneha mato jo ku mbumbulu, yaahichika yeswe, yaakaula Yesu.

Muze Yesu abwile mu limwe limbo, kuma yimubwa umwe mutu wange ni musongo wa mbumba. Ha kumona Yesu, yafulamana ku molu jenyi, yaliumba ngwenyi: “Mwene nyi unazange muuhasa kama kungubemesa!” Yesu yolola kwoko, yamukwata nikwamba ngwenyi: “Ngunazange, bwako mubema!” Hazehene misongo yiimuhwa.

Alioze lufuma wa Yesu yamwangana kuhiana, mbunga ya mieji yaamukunguluka ni kumwivwa ni hanga awuke misongo yo.