Popular Bible Verses from Yoano 12

Share

Nyi umwe mazanga kunguvumbika, chamutamba kungukaula, hanga kavumbi kami nawa makabwa kuze yami nguli. Tata makalemesa yoze wakunguvumbika.”

Yoze mazanga mwono wenyi, mautokesa. Alioze yoze mavutwokela mwono wenyi hano hashi, makaufunga ndoo ku miaka yeswe.

Chamwenemwene ngunanwambulwila ngwami, lunona wa tiriku kahashile kwima mihuko shina maholoka hashi akafwe. Nyi wafwa, mba mema mihuko yinji.

Yami hinguneza hashi ngwe pangu, hanga yoze mangufuliela, kechi kenda mu milima.

Nyi umwe mevwa maliji jami, alioze kechi kwoononokena, hi yami ko mungukamubatwila. Mumu chejile ngukahise akwa hashi, alioze hanga ngukaalamwine.

Maria yanda Chipinji cha litro cha maji a vumba libema a ndando yinji, a kulinga ni nardu. Yaakwita ku molu ja Yesu mba yajikusumuna ni kambu jenyi. Zuwo lieswe yilinuka ni vumba lia maji waze.

No yaanda mitango ya ngaji, yaatuhuka mu limbo ni kumubatwiza, yaakololoka ngwo: “Vulie! Zambi awahise yoze uneza mu jina lia Mwene. Zambi awahise Mwanangana wa Israele!”

Yesu ngwenyi: “Ola hiyaheta yize Mwana Mutu matambula uhenya Wahiana.