Popular Bible Verses from Malakayị 3

Share

Ọmịnị ọ́ nyana-oyi-ḅụụ-gberie mẹ kịra-gbasị ḅara kẹ Tamụnọ-warị ḅoo, mịẹtẹ ị̀ warị ḅio fịye ḅin ḅẹ ḅara. Ọmịnị ị̀ daaḍikii, tẹ ọmịnị ẹrị ḅa mịnẹ à So-ḅio ḅẹ ikiḅa-aḅọkọ ma finji tẹ tọn-a ḅara kẹ kịrị-kịrị iḅi-aị ọsụma ọmịna ọgọnọ sara ḅa.

À ḍụkụ tẹ fịaị fị ḅaa aị ọmịna ḍiḅi-aị ma guluguluma ḅịa, tẹ ọmịna girepu-aḍụọ ma tọnwa asịnmgbọlụ sụa sara ḅa. Anịtẹso sịẹ-sịẹ ma ḅẹ atomi ma ḅioḅẹlẹarị apụ kẹ ọ́ sịn ḅa, ọmịna amakiri mẹ anie tomi anga na-iḅi amakiri ẹrẹsị.”

Kụrọmamgba nyana KỊNỊNYANAḄỌ ḅe ḅẹẹm, “Ini ị̀ atomi sọ ḅa. Anị ene ḅụ, àrị à mịẹ ḅẹ ye mịẹ sakị, in sime ị̀ pịrị apụ sọ ḅa karakara-ḅara-ḅụ. Àrị ọkụrụkụrụ nyana ịn pịrị ḅa, ḍaḅọ ọkụrụkụrụ nyana ọ̀ tụḅọ tẹ fịrịmẹnjị ọ̀ pịrịarị ḅọ pịrị ḅara. Ị̀ atomi siin gbọrụ sakị kẹ ẹrị ḅa paka karakaraye-mịẹḅọ ḅe pịrịarị ye na paka si-sịḅịḅio-sụaḅọ ḅe pịrịarị ye na, anie fịrịmẹnjị ị̀ pịrị ḅọ ḅe na fịrịmẹnjị ị̀ pịrị-a ḅọ ḅe na aḅụụ pakarị ye mẹ.”

Kụrọmamgba nyana KỊNỊNYANAḄỌ ḅe pakịrịm, “Àrị ì oku-mẹnjịḅọ kẹ fịrịma tẹ ori ì etela tẹlẹma ị̀ pịrị ḅa. Anịtẹso KỊNỊNYANAḄỌ ḅe tẹ ọ́ ḍọkịarị ḅọ ḅe ḅiotọn-a ḅara kẹ ọ̀ fịafịa-warị mẹ sọ-ḅo ḅa. Ọmịnị ẹrị ḅẹ tẹ ḅio-sẹsẹarị oku-mẹnjịḅọ ḅe ḅo ḅa, tẹ ị̀ ọḅọkụ mẹ ḍuko wasama ḅa.”