Popular Bible Verses from Luku 17

Share

Tẹ Jizọsị nwẹnị ọ̀ ḅẹẹ, “Saakị tẹ soo, í minini mịẹtẹ í oju iḅi tẹ.”

Gbọrụ ene ḅụ ọ̀ sọnọma sakị kẹ si kẹ ị́ mịẹ sọ ọ̀ pịkịma-ḅo tẹ ‘À ḅarị mịẹ ḅịa’ kẹ ị́ ḅẹẹ ḅẹẹ, wẹrịso ọ̀ pịrịị.”

Ịna ḅụ ḅẹ gbọrụḅọ ḅo ẹrịm mịnẹ ọ̀ gwọ tẹ ḅẹ sakị, ọ̀ pịkịma ḅo tẹ gele pọkọ kẹ Tamụnọ bomam. Ọ̀ nwẹnị Jizọsị ḅụọ-suku amịna ḅụụ sẹma-kiri-gbin, tẹ ịmịẹtẹ kẹ ọ̀ ḅẹẹ. Tomḅọ ḅe Sameriya ḅẹ ḅọ.

Ọkọẹrẹsị ọmịnị ọ́ mịẹarị ye ḅụ ẹbị nyana-a. “Ị́ mịnaḅọ si mịẹ-mịẹ, ò ḍiki-ịganịị, ori anị ḅụ pịkịm ḅẹḅẹ wẹrịso ọ̀ pịrịị.

Jizọsị nwẹnị ḅẹẹ, “Oyi apụ mie gwọ ye, ndẹẹ kirikọn eseni apụ ma?

KỊNỊNYANAḄỌ ḅe nwẹnị pakịrị, “Ọmịna minini ịrụ mọsịtadị mgbọlị na gbasị sọ, ọ́ sịẹ wararị sịn ḅẹẹ mịnẹ anị suku-na-suku-na saakị mu tọrụ koro, tẹ anịanga sịẹsime ḅẹẹ kụma, anị ọ́ ḅẹẹ ḅara mịẹ ḅa.

Amịna ḍumo ḅọrọma ḍọkị ḅọ anị fama ḅa; amịna ḍumo fama ḅọ anị ḅọrọma ḅa.

Jizọsị nwẹnị ò ḍukamẹnjịapụ ma ḅẹẹ, “Mịẹtẹ tomi si mịẹ ḅẹ aị paka-a so ḅịa, kụma arị pakama ḅarị ḅọ mẹ mḅọ tẹkẹlẹtẹ! Ikuarị ye gbẹẹ ḍụḅarị kẹ mḅọ kọngọ kpọ tẹ mḅọ kẹ tọrụ-minji gbin fama iḅi kẹ mḅọ ḅụụ ḅo ye mịẹtẹ mịna kala awọmẹ ma ḅụ ḅẹ gbọrụḅọ si mịẹ nẹngịm.

Noha sakị ḅụ ye sime-ḅara anie Tomḅọ Tụḅọ ḅe ene ma ḅụ sọ anị sime ḅarị ḅara. Ọrụḅọ-ọrụḅọ fị-na-ḅuu-nam, owiapụ na ereme na simem, nwenii tẹ Noha arụ mẹ ḅụkụlọ tẹ opu minji mẹ ḅo inimgba ḅaa famam.