Popular Bible Verses from Jọnị 21

Share

In ye mẹ fị fama tẹso, Jizọsị nwẹnị Sayịmọnị Pita gbela, “Sayịmọnị, Jọnị tụḅọ, ị́ ị̀ ḅẹlẹma mịna osi apụ ma nẹngị?” Ó nwẹnị pakịrị, “Inn, KỊNỊNYANAḄỌ, í nimim àrị ị́ ḅẹlẹmarị.” Jizọsị nwẹnị ọ̀ ḅẹẹ, “Tọrụ kẹ ị̀ anana awọmẹ ma ḅụụ wẹrịị.” Jizọsị nwẹnị maa asakị karama ye kẹ ò gbela, “Sayịmọnị, Jọnị tụḅọ ị́ ị̀ ḅẹlẹmarị, ọkọ-a?” Ọ̀ nwẹnị pakịrị, “Inn, KỊNỊNYANAḄỌ, í nimim àrị ị́ ḅẹlẹmarị.” Jizọsị nwẹnị ọ̀ ḅẹẹ, “Tọrụ kẹ ị̀ anana ma ḅụụ wẹrịị.” Jizọsị tẹra sakị karama ye kẹ ḅẹẹm, “Sayịmọnị, Jọnị tụḅọ ị́ ị̀ ḅẹlẹmarị, ọkọ-a?” Pita nwẹnị kururu. Jizọsị tẹra asakị karama ye kẹ ó gbela ye ẹrẹsị, “Ị́ ị̀ ḅẹlẹmarị, ọkọ-a?” Mie ḅụ ori ọ̀ ḅẹẹm, “KỊNỊNYANAḄỌ, í nimi kọnma ye ofori, í nimi wararị mịnẹ àrị ị́ ḅẹlẹmarị.” Jizọsị nwẹnị ọ̀ ḅẹẹ, “Tọrụ kẹ ị̀ anana ma ḅụụ wẹrịị.

À karakara mẹ ḍuko ị́ pịrịarị, ị́ asambịrịma sakị ḅarana ị́ ḅụụ tẹlẹma tẹ í ḅiotọn anga, tọn anga mu mum, kụma ị́ ḅo omongi sakị, ị́ ị́ aḅara sụn-pakama tẹ jụmọ ị́ fịna tẹ ị́ kẹ í ḅii-a anga mu ḅa.”

Ọ̀ nwẹnị ịn ḅẹẹ, “Ọmịnị ịgbọ mẹ kẹ arụ mẹ ḅẹ ama-ḅara anga sara-a, ọmịnị inji kun ḅa.” Mie ḅụ ịn nwẹnị ịgbọ mẹ sara pakama, tẹ ḅarị inetẹ anị fọnọ ọkị-a, ịn tọnwa inji kun tẹ ẹrẹsị.

Sayịmọnị Pita nwẹnị osi apụ ma ḅẹẹ, “Àrị ịgbọ muarị.” Ịn nwẹnị ḍuko ọ̀ pịrị, “Wa ị́ na mu ḅa.” Mie ḅụ ịn nwẹnị arụ ḅụkụlọ tẹ mu (ḍin ye mie in mu ye), kụma bebe ḍin mẹ inji gbọrụ mgbọ sọ ịn kun-a.