Popular Bible Verses from Ịmaakị 6

Share

Aza vị ana gwẹtẹ ịzọọ. Aza ẹnyị màa na, avọọ aza ẹnyị màa vẹ nị. Ijeesu ọnịrị ezirẹma anị ẹ yị hyakụ nyị eyi rị ịsa vụrụ-vụrụ. Agụvị avọọ dị Ijeesu kà a yị ezirẹma anị ka ẹ̀ vẹ, dị ẹnị ẹ̀ nọ aha ọnya ịzị ẹnịnya kẹnẹ vaa yà, agụvị dị ẹnị ẹ̀ nyẹngụ tụ́ ụhwọ́ nị.

Dị Ijeesu kà a yị wa ka, “Ọnịsẹ ọ mā nyị ụbanyị ịnị ẹkụra anị ụvọta ọnịrị éehi anị beri ịnị akakana anda ẹnịnị, ẹ̀ yị vị aha ọsa.”

Ịjị e si tù ịzọọ, dị Ijeesu jịnẹ hụụnị ẹpa nị. Ịjị o re ọkọnị aza ẹnẹnị, ayị ẹnịnị ộ vá Ijeesu, agụvị ka ẹnịnị vị ana yà anka atẹmẹ ẹnẹ ẹ̀ yị nyị ọza ene ee sere wa avọọ. Ijeesu ô nyima aa sị ịrẹyị ọrụrụ-ọrụrụụ zụ̀ wa.

Ijeesu ọ yị nyẹngụ mẹ̀ ụkọrọ ohyozirenu ịzọọ, ẹ̀ yị vị ọnịkụ chee aanị kẹnẹ, ọnị ọ sị ụvọ tụra, dị ọ mẹ wa ụkụ nị. Ô hí oo irenu pooro, agụvị ka aza ẹ yị dọ wụ́. Dị ọ hụụ ịzọọ, dị aa ngụ ịnị ẹkụra ọsa ana gụrị ịzọọ zịịzị, dị aa zụ̀ wa ịsa nị.

Ịjị ẹ sị yaayịtẹ, dị Ijeesu sị Ịbụrẹẹdị ẹẹhị ọnịrị ivovo ẹẹva ẹnẹẹ nị. Ộ kụ̀rà eyi tụ́ ẹba re ihinẹba, dị ọ kụ́ Ohomorihi avọ nị. Ộ dà Ịbụrẹẹdị ọnọọ yị ezirẹma anị ka ẹnịnị ẹ̀ gà ẹ yị aza ẹnẹẹ. Dị ọ rẹ gà ivovo ẹẹva ẹnẹẹ yị avaba aza ẹnẹẹ bẹẹ nị. Dị avaba ẹnịnị rị, dị ịnẹ há wa nị. Ịjị ẹ sị ịsa rị ta, dị ẹ sị uji kụ́ ana vọ ịnị Ịbụrẹẹdị ọnịrị ivovo ẹnẹẹ nị. Ana vẹtẹ vị ohihi uji ẹwụrẹva.