Popular Bible Verses from Imatiwu 14

Share

Ama ô mè re ahị maa tụ kukuku, dị angwa hí ọ, di o nyima ee chíi ngụ enyi nị, di o nowu ka, “Ananyị yị, dọ mị tụ́!” Dị Ijeesu wụsẹ tana ụvọ anị, dị ọ za a nị. Dị ọ kà, “Ẹdọwụ awụ ộ da weyi kẹnẹ. Sị ẹ vẹ dị ụ waa mẹ ayị ẹẹva?”

Ama ô mè re ahị maa tụ kukuku, dị angwa hí ọ, di o nyima ee chíi ngụ enyi nị, di o nowu ka, “Ananyị yị, dọ mị tụ́!”

Dị Ijeesu wụsẹ kà ịrẹyị yị wa nị, dị ọ ka, “Và ayị nẹtẹ nịnị! Ẹmịị yọ nị, asị u hí angwa nịnị!”

Dị Ipita ka, “Ananyị yị, àa vị ẹwụụ yọ ịzẹyịza, mẹ ọdaa mị ka ma zị ụsẹ ve tù wu ị́rẹsụ enyi!” Dị Ijeesu kà ọọ vẹ nị. Dị Ipita jịnẹ hụụnị ẹpa, dị aa zị ụsẹ ị́rẹsụ enyi naa gẹrị Ijeesu nị.

Dị aza ene hi ịnị ẹpa va ku ẹtẹ, dị ẹ ka, “Ịzẹyịza, Ozi Ohomorihi ụ vị nị.”

Ama di Ijeesu tụ́ ohi, dị ọ ka, “Ẹ yị nyị ka ẹ̀ na, ọ! Ẹwụ nịnị ụvọta ọ̀ sị ịsọyịrị yị wa!” Dị ezirẹma anị ka, “Akara ẹẹhị beri ivovo ẹẹva kẹnẹ ị nyị tụ́ ịzẹnị nọ.”

Dị Ijeesu ka, “Kụ́ ọọ va mị nịnị!” Dị ọ ka aza ẹnẹẹ ẹ̀ yaayịtẹ ịnị avị ohwoohu nị. Dị ọ sị Ịbụrẹẹdị ẹẹhị beri ivovo ẹẹva ẹnẹẹ, dị ọ sị eyi tụ́ ẹba, dị ọ kụ́ Ohomorihi avọ tụ́ ọọ nị. Dị ọ dà Ịbụrẹẹdị ẹnẹẹ yị ezirẹma anị, dị ezirẹma anị sị yị aza ẹnẹẹ nị.

Dị avaba ẹnịnị rị, dị ịnẹ há wa nị. Dị ẹ kụ́ ana vọ, dị ọ vị ohihi uji ẹwụrẹva nị.