Popular Bible Verses from ỊMAKỊ 10

Share

Chajị, am Ọnyị nya ọngịnyị ehe warị wẹ odehe ọlẹ lẹ, ḿ warị nya ọngọ ọtụka, kị ka myị ẹrụ ham ka. Ma, m warị kaka myị ẹrụ ha angịnyị ehe lala ọnchẹ nyaa, gbee kam lẹẹ ka hu ọhịhị nyam kịla iya wọnụ nyaa ịwa wuu ju. Chajị ká iru nya angịnyị ka jẹ́-ẹ bwula ọọwa la ọchịda nya Ohe Oluhye.”

IJisọsị mwụụrụ yẹ angịjụgbẹyị nyamwụ chịng lẹ, ọ byaa yẹkẹẹ, “Ẹ-ẹga ká angịnyị ehe ji lẹ, ọ ri ang olujwo lụmẹ kaka kpoye. Ma, ọ́ tị ri ang olujwo ẹ-ẹga nya Ohe Oluhye ka. Chajị ang myị́ ang wuu chị Ohe Oluhye kpẹẹ la ọhọhọ.”

iJisọsị wẹ byoo yẹkẹẹ, “Rụ mẹ! Ọmyịmyị ọlala nyang họ ká idu ọkpụkpụ nyang myị́ alẹ lẹ.” Ịnyị lẹ, ịBatimyọsị ọwẹ a jẹ́ yọyị iijata-ijata lẹ, ọ juwa ba iJisọsị jẹ lẹlẹ.

Chajị nya ọọwa lẹ, ang myị́ ang ọlẹ ká Ohe Oluhye ayịdang á chị ori bawụlẹ ene lẹ aalẹ, ọngọngọhẹ a yi ang ọọwa, ori hi awụlẹ kokoo.”

Ịnyị, iJisọsị a kpẹhị nya ọháha mwụụrụ yẹ ọlẹng ọwẹ chịng lẹ, ọ byoo yẹkẹẹ, “Oligu nyam, ịngịhyẹ ookpokpo hi hang wẹẹ! Kele ka ẹpwa, ká go ang myị́ ang nyang wuu ra, ká ya okpoko nyamwụ ga ha ikpehika mẹ. Aalẹ, a ka la ụdụ olepwoohe lẹ. Ká kẹwẹ kaka bam jẹ mẹ.”

iJisọsị byoo yẹkẹẹ, “Ịịyẹ a tị́ juwa tịtọ kam ka họ hang?” ịBatimyọsị wẹ byoo yẹkẹẹ, “Ayịbahị, m tịtọ ká ka họ kam ka jẹ́-ẹ yọyị myịmyị.”

Ma, ẹ-ẹga nyanụ anụ lẹ, ọ́ chịla kọ ka la ịnyị koo! Ọkọkọ nya ọọwa lẹ, ọngọlẹ kọọwa ayịdang á ka ri ọngọ ọtụka gụụnụ anụ angịkịla wuu lẹ aalẹ, ọngọọwa ka nwụlanọ nyọka myịnụ ẹrụ lala ọnchẹ nyanụ, anụ angị ihihi wuu lẹ.

Nya ịlẹhị-ịlẹhị, m byinu yẹkẹẹ, ọng myị́ ọng ọlẹ kọ ka ye ịpyị Adịrahụ nya Ohe Oluhye la ọkịlẹtụ ọgbagbịla lala anyị anjwo ichiche ịlẹ ka aalẹ, ọ́ ka jẹ́-ẹ jụ kele ka ụwa myị́ kaka.”

Ma, iru nya angịhyẹ ịlẹ kị jene ka dachichi yẹ kaka ri angị ku ẹkpẹ. Iru nya angịlẹ kị tị ri angị ku ẹkpẹ ka mwọọgịlẹ yẹ kaka ri angị jene ịnyịnyị.”

Ma, Ụpwụ Ịgọgọ họ kahị jẹ́ yẹkẹẹ, bwu ọmwụ ọdada nya ọgbanyẹ-ọgbanyẹ ká Ohe Oluhye họ odehe ọlẹ lẹ, ọlẹng ookpokpo bala ọnyang ookpokpo kem, ọ họ kị ka ri ahụ bala ọrụ lẹ. Chajị nya ọlẹ, a du ká ọlẹng ọnyị myị ọnyị wuu ka tụụbwọ hi adamwụ bala ịnamwụ kele kaka ye ahụ nya ụbwọ nya ịlọmwụ lẹ. Ọọwa lẹ, ahụ bala ọrụ ọọwa angị imimiiye, a ka yẹ ri ọngịnyị ọngọ ookpokpo lẹlẹ. Ụka ọọwa, ahụ bala ọrụ ọọwa á ri angịnyị angị imiiye kaka. Ma, ọngọ ookpokpo, ị ri ugbẹnyị lẹlẹ.