Popular Bible Verses from ILUKU 4

Share

“Olegu nya Ọngọlahị Ohe Oluhye jam u-uhye nyam. Chajị Ohe Oluhye chụm, ya ọngịrị nyamwụ ham, chajị kam ka ya ẹrụ ọnyịịla ọlẹ je ikpehika. Ohe Oluhye dum ẹrụ warị kam ka ya dodehe je angịlẹ wuu kị wu kpa rụ bwu ẹwụ nya anyịhị yẹkẹẹ, Ohe Oluhye họ kanụ be bwu ẹpwụ nya ori ọchịchị nyanụ wuu alẹ lẹ! Ọ myịmyị dum warị kam ka ya ẹrụ ọnyịịla nya ọyị ọyẹyẹ je angịlẹ wuu kị juwa ẹ-ẹpwụ nya idu ọkpụkpụ. Kam ka ya ẹrụ ọnyịịla nya ịlaa ọlala ya je angịlẹ wuu kị juwa ẹ-ẹpwụ ọnụ nya ọ-tụ pyịpyị nya aluji. Kam ka ya dodehe je angịnyị ehe yẹkẹẹ, ọlẹẹlẹẹ, a ri ụka nya ọnahị nya Ohe Oluhye Ọngọlahị ẹ-ẹga nya angịnyị ehe wuu ụbwọọmwụ lẹlẹ.”

IJisọsị wẹ byoo yẹkẹẹ, “Ụpwụ Ịgọgọ yẹkẹẹ, Ọngọlahị Ohe Oluhye nyang ụbwọọmwụ kem, a ri ọngọlẹ ká ka raabwọ ha, juwa myị ẹrụ họọ ẹ-ẹpwụ nya ịgba ọgbagba ha kem ịnyịnyị lẹ.”

iJisọsị wẹ byi Ohe Onyobyi yẹkẹẹ, “Ụpwụ Ịgọgọ yẹkẹẹ, a-ang oriri ọlam-ọlam ụbwọọmwụ, a kaa ya ọngịrị nya ọhịhị ha ọngịnyị ehe ka. [Ma, ẹla myị́ ẹla ọlẹ wuu kọ bwu ọnụ nya Ohe Oluhye kpehe a kaa ya ọngịrị nya ọhịhị ha ọngịnyị ehe lẹ!]”

Ụka ká iJisọsị myị la ọngịrị nya Olegu Ịgọgọ nya Ohe Oluhye ị-ịJọdan, kọ rụ bwu ụwa lẹ, Olegu Ịgọgọ a kpọọ rụ kele ka ugbileji lẹlẹ.

iJisọsị wẹ byi Ohe Onyobyi yẹkẹẹ, “Ụpwụ Ịgọgọ yẹkẹẹ, ‘A ma Ọngọlahị Ohe Oluhye nyang yẹ chajị nyọka ye Ohe Oluhye nyang ọọwa ẹla kpong-kpong ka.’ ”

Ịnyị, ụka ká Ohe Onyobyi kpa ọmayẹ ọnyị myị ọnyị ma iJisọsị yẹ ịnyị kpá wuu lẹ, ọ rụ bwu ẹga nya iJisọsị, juwa kee gbe ụka ọkịla ọlẹ ká ẹga ka chị dọọ ị-ịlahị lẹlẹ.

Ịnyị lẹ, Ohe Onyobyi a myịmyị kpa iJisọsị kele ka ẹga oluhye ọtụka-ọtụka lẹ, ọ mẹ ịpyị ịdịrịhụ ilodehe ọlẹ wuu jọọ ụ-ụwa lụka o-kpii lẹlẹ. Ọọwa lẹ, Ohe Onyobyi a byi iJisọsị yẹkẹẹ, “A tị́ yẹ ọngịrị bala ihi nya ịpyị ịdịrịhụ ịwẹ wuu lẹ, am kpakpakpa, ị ya ju ụ-ụbwọ lẹlẹ. Lẹẹlẹẹ, am nwụlanọ kam ka tụụbwọ hyaa jung ụ-ụbwọ lẹ. Ó-ri kaahụ ayịdang á ka myị-ị hiri ịlọng kpẹẹ, juwa gbịgba ham lẹ aalẹ, ịngịịwẹ wuu ka ri nyang alẹ lẹ.” IJisọsị wẹ byoo yẹkẹẹ, “Ụpwụ Ịgọgọ yẹkẹẹ, Ọngọlahị Ohe Oluhye nyang ụbwọọmwụ kem, a ri ọngọlẹ ká ka raabwọ ha, juwa myị ẹrụ họọ ẹ-ẹpwụ nya ịgba ọgbagba ha kem ịnyịnyị lẹ.”

Ọọwa lẹ, Ohe Onyobyi a kpa iJisọsị kele ka iJerusalẹm kaka godayị rịrị u-uhye nya achinege nya ịnawụ nya ube ịgọgọ ọtụka nya Ohe Oluhye nya ala iJuu lẹlẹ. Ụ-ụwa, ọ byi iJisọsị yẹkẹẹ, “Ó-ri ahụ ká ri Ọnyị nya Ohe Oluhye ịnyịlẹhị lẹ aalẹ, a tụụbwọ hi ịlọng chabwọ bwu achinege nya ube ịgọgọ ọlẹ kele keji mẹ. Chajị, ị da ụ-Ụpwụ Ịgọgọ yẹkẹẹ, ‘Ohe Oluhye nyang ka du alegu-ẹrụ nyamwụ ẹrụ kị ka juwa kpẹhị rịrịng, juwa gbeng ụka wuu.’ Ụpwụ Ịgọgọ myịmyị yẹkẹẹ, ‘Alegu ẹrụ i-gbeng gbe ịịwa ka ya abwọ nyaa ke, kị ka hung kpa u-uhye chekeee chajị ká ka ya ẹta nyang chị ẹjwọ kpẹng la ọngịrị-ọngịrị kpong-kpong ka.’ ” iJisọsị wẹ byi Ohe Onyobyi yẹkẹẹ, “Ụpwụ Ịgọgọ yẹkẹẹ, ‘A ma Ọngọlahị Ohe Oluhye nyang yẹ chajị nyọka ye Ohe Oluhye nyang ọọwa ẹla kpong-kpong ka.’ ”