Popular Bible Verses from ILUKU 11

Share

Ee lẹ, ó-ri kaanụ angịnyị ehe angị ịtịpyọ a-abwẹla ịwẹ, á jẹ́ kaa hu ang ịnyịịla ga ha anyị nyanụ myị́ lẹ, anyanyị, anụ tị́ me irya ká Ohe Oluhye Adanụ olepwoohe á ka jẹ́-ẹ hu Olegu Ịgọgọ nyamwụ ha angịlẹ wuu kị juwa bịlọọ Olegu Ịgọgọ ọọwa kaka dachichi mẹ?”

Chajị nya ọọwa lẹ, m byinu yẹkẹẹ, anụ juwa bịlẹ ang ka ẹpwụtụbwọ nya Ohe Oluhye mẹ! Ohe Oluhye ka ya ang ọọwa hanụ. Anụ juwa tịtọ nya ang ka ẹpwụtụbwọ nya Ohe Oluhye mẹ! Ohe Oluhye ka họ kanụ ka yẹ ang ọọwa. Anụ yụbwọ kpụ ọnụ ụgbẹyị ịnyịnyịịnyị mẹ! Ohe Oluhye ka wụrụ ụgbẹyị ọọwa hanụ ịnyịnyị.

Chajị ọng myị́ ọng ọlẹ kọ juwa bịlẹ ang, ọngọọwa, ị kaa ya ang ọọwa ha lẹ. Ọng myị́ ọng ọlẹ kọ tị juwa tịtọ nya ang, ọngọọwa a tị kaa yẹ ọlẹ kọ juwa tịtọ ịnyịnyị lẹ. Ọng myị́ ọng ọlẹ kọ tị juwa yụbwọ kpụ ọnụ ụgbẹyị, ọngọọwa, ụgbẹyị ọọwa a kaa wụrụ ha ịnyịnyị lẹ.

IJisọsị wẹ byaa yẹkẹẹ, “Ụka kanụ ka raabwọ ha Ohe Oluhye lẹ aalẹ, anụ́-ụ rị ịịlẹ mẹ: ‘Ohe Oluhye Adahị [ọlẹ kọ juwa e-epwoohe,] kahị chị ịgọgọ ju ẹnyị nyang. Ká ịpyị adịrahụ nyang a wẹ odehe ọlẹ.

Hịnyọhi ịhọbịrị nyahị ịlẹ kahị họ bang wuu hahị, jaabwọ kaahị ayịdang kaa hịnyọhi ọhọbịrị nya ọng myị́ ọng ọlẹ wuu kọ họ baahị haa ịnyịnyị. A myị kahị kpa ụbwọ ka ẹpwụ nya ọmayẹ nya Ohe Onyobyi ọhẹ-lọhẹ ka.’ ”

Ya ang oriri hahị, ọlẹ kọ ka nwahị alẹ.

Ugbẹhị ọlẹpwụ ẹhị nyanụ ọwẹ a ri otinika ọ-kpa yọyị ha ugbinyịrọ nyanụ wuu lẹ. Chajị nya ọọwa lẹ, ụka ká ugbẹhị nyanụ á la kpakpa lẹ, ahịgboo nyamwụ a kaa chị wu ẹga myị́ ẹga nya ugbinyịrọ nyanụ wuu ịnyịnyị lẹlẹ. Ma, ọ́ tị ri ká ugbẹhị nyanụ á tị la kpakpa kaka lẹ, ukpowu nyamwụ a kaa chị wu ẹga myị́ ẹga nya ugbinyịrọ nyanụ wuu ịnyịnyị lẹlẹ.

IJisọsị myịmyị byaa yẹkẹẹ, “Ọngọngọhẹ á kaa ya ila ju otinika nyamwụ wuu, ọ kaa hu otinika ọọwa kpa kaka rịrị ẹ-ẹpwụ nya ụjẹ lee, o-hu otinika ọọwa ju ka ẹpwụ nya iboketi nya enyi nyamwụ kpong-kpong ka. Ma, ọkọkọ nya ọọwa lẹ, ọ kaa hwoo kpa kaka rịrị u-uhye nya itebwuru nya otinika. Chajị ká angịlẹ wuu kị ka jụ ka ube ọọwa ka jẹ́-ẹ yọyị.