Popular Bible Verses from UMÁKI 4

Share

Ujísɔ̄si cāŋjɛ háyicō anɔ́ɔ ó lɛ ɔ́da je lɛ owu kahíníī, “Mā uya.” Anɔ́ɔ ó da úgbagwú kahíníī, “Yɔ̄ cíí!” Owu ā mā biyoo, ó klla tá gɛ ŋ́. Anɔ́ɔ ɛga dóódu yɔ̄ hímm á. Anɔ́ɔ Ujísɔ̄si da ayíkpó kú nū kahíníī, “Aá cíkā ō yúufi ŋ́. Aá lɛ ɔtūce Ɔwɔicō ŋ́ kpɔ́ nɛɛ?”

Amáŋ ufí yá ayíkpó ā nɛ̄hi, anɔ́ɔ é gbɔɔ́ ō ka lɛ ɔ́mpa uwā kahíníī, “Ɔnyɛ yɔ̄ ā mɛ́ɛ̄? Owu mɛ́mla úgbagwú kōō ī lɛyítáajɛ lɛ ɔ́!”

Ujísɔ̄si gwutá ipú igbīhi ɔ́kɔ ā lɛ ɛyí ce upílo yɔ̄ ī gbiyɔ̄lā. Ayíkpó ā lɛ ɔ́ héyī, Anɔ́ɔ é kahíníī, “Itíca, Ɔ̄conwɔ̄kpá, ó wɛ unwalu kú uwɔ ka alɔ gáā bī ipú éŋkpɔ̄ ŋ́ nɛɛ?”

Ó klla da uwá kahíníī, “Aá jāhɔ̄ lɛ ɛlā nɛ̄ n gáā ka nyā, ‘Ɛdɔ kú íne ékpó nāa bī le kɛpɔ̄ tū ācɛ ā, nɛ̄ Ɔwɔicō géē bī le kɛpɔ̄ tū uwɔ dúú á. Ɛpɔ̄ kú uwɔ kōō í lɔnɔ fíyɛ́.

Ujísɔ̄si yɔ̄ ī kɛlā gɔbū kahíníī, “Ajɔ̄ɔ̄cɛ́ kú Ɔwɔicō lɛbɛ̄ɛka ɔ̄cɛ nōo nyī īkpō tū ipú ɛhɔ̄ ā. Ó le iyɔ̄lā gbo ɔtú, ó le héyī. Anɔ́ɔ ó yɔ̄ ī yɛ gicō gaajɛ ɔlɛ́ɛnɔ, ɛplá eko nyā īkpō ā le bū yɔ̄ gē jɛ̄ ɛɛ́. Nááná o jé ɛ́gɛ́nɛ̄ īkpō ā yá ɛ́ɛ́ nɛ̄ ó bū klla yɔ̄ gē jɛ̄ ā ŋ́.

Ɔ̄cɛ nōo lɛ ahɔ̄ opɛ́ɛla, kóō pó ɛlā nyā!”