Popular Bible Verses from UMÁKI 2

Share

Ujísɔ̄si lɛ ɛlā nēé ka ā pó anɔ́ɔ ó tū uwa ohi kahíníī, “Ācɛ nēe lɛ ɔbɔ́lā í cɛgbá olobócí ŋ́, amáŋ odoōcē ā ī cɛgbá olobócí á. Ń wā gaá hī ācɛ olɔhi igwú ŋ́, amáŋ ācɛ nēé leyī gwu uwā bónū ā nɛ̄ n.”

Ujísɔ̄si lɛ ɛ́gɛ́nɛ̄ ācɛ nēe bá nyā lɔtūce ɔ́ lɛ ā má ā, anɔ́ɔ ó da ɔ̄cɛ o ŋmííyē ā kahíníī, “Ɔyínɔ̄nyīlɔ kú um, é kwú íne nāa bīya ā í yá uwɔ ɛhi ɛɛ́.”

Anɔ́ɔ Ujísɔ̄si kahíníī, “É yá Usábāti kóō tīile lɛ ɔ̄cɛ. É yá ɔ̄cɛ kóō tīile lɛ Usábāti ŋ́.

É bī ɔ̄cɛnyīlɔ ā ga ɛgiyí Ujísɔ̄si glá ŋ́ ohígbū ɛwa kú ācɛ. Anɔ́ɔ é lɛ ɛyí inu ɛga nɛ̄ Ujísɔ̄si klá piíí ā hɛ́ bū. Eko nēé lɛ ɔ̄gɔ̄ hɛ́ jɛ̄ nɛ̄ ákplata nōo bī ɔ̄cɛ ā í bū ɔ̄ glá ā, é kwu ɔ̄cɛ ā ú bū ɔ̄gɔ̄ ā wāajɛ mla ákplata nɛ̄ ó gwutá anú ā.

N géē cābɔ̄ lɛ aá ka, ami, ɔyínɔ̄nyīl kú Ɔ̄cɛ lɛ íkwu ipú ɛcɛ ká n̄ je íne nɛ̄ ācɛ bīya ā yá uwa ɛhi.” Anɔ́ɔ ó ka lɛ ɔ̄cɛ o ŋmííyē ā ka, “N da uwɔ ka, nyāŋjɛ, kwú ipoto kú uwɔ ú, cɛ́ɛ́ ká ā ga ɔlɛ́!”

Ó tɔ́ɔtɛ kú n̄ ka lɛ ɔ̄cɛ o ŋmííyē nyā ka, ‘É kwú íne nāa bīya ā í yá uwɔ ɛhi ɛɛ́, fíyɛ́ o ka ka, kwu ipoto kú uwɔ ú, ká ā yāwu!

Ipéeyi ɛjɛ̄ɛ̄jī uwā, ɔ̄cɛnyīlɔ ā cāŋjɛ háyicō, kwú ipoto kú nū ú, anɔ́ɔ ó nwúleyīkwū nyɛ̄ɛ̄ á. Ɛjɛ̄ɛ̄jī uwā le kpó hídáagó dúúdu, anɔ́ɔ é cɛ̄tra Ɔwɔicō yɔ̄ ī kahíníī, “Alɔ ī má ɔdā dúú bɛ̄ɛka ɛ̄nyā jééjéē ɛ́ɛ́ ŋ́!”