Popular Bible Verses from ULÚKU 9

Share

Anɔ́ɔ ó da odúúdu uwā kahíníī, “Ɔ́dāŋ ka ɔ̄cɛ dúúmā tíne kóō yɛce um, ó géē leyī gwu iyī nū bónū piíí. Cɛ́ɛ́ ó kwú ɔ̄cóonyɔ́kpá kú nū ú ɛ̄cī dóódu, cɛ́ɛ́ kóō yɛce um.

Ohígbū ka ɔ́dāŋ ka ɔ̄cɛ dúú lɛ abɔ̄ kwɔtū kóō nya oyēeyī kú nū tá, ó le lɛ ā, ó gáā lɛ oyēeyī opiyóó ŋ́. Amáŋ ɔ́dāŋ nɛ̄ ɔ̄cɛ dúú kwú oyēeyī kú nū ú tónū ohígbū um, ɔ̄cɛ ɔ́ɔmā géē lɛ oyēeyī opíyóó.

Amáŋ Ujísɔ̄si tá ɔ̄ ohi kahíníī, “Ɔ̄cɛ dúú nōo gbɔɔ́ ō tá ɔgba ɛhɔ̄, nōo yɔ̄ ī pīyeyī má igbīhi ojígógó í gáā tíile lɛ ajɔ̄ɔ̄cɛ́ kú Ɔwɔicō glá ŋ́.”

Ile nyá nɛ̄ ɔ̄cɛ géē lɛ ɔ́dāŋ koó lɛ ɛjɛ̄ɛ̄jī ɛcɛ lɛ, amáŋ nɛ̄ anú abɔ̄yī nu gebí ámāŋ kéē kwú ɔ̄ í yíífi!

Ɔ́dāŋ ka ɔ̄cɛ dúúmā ī yá uwēyī um mɛ́mla ɔdā nɛ̄ n gē nwā ā, ami, Ɔyínɔ̄nyīlɔ kú Ɔ̄cɛ géē híhó ka ɔ̄cɛ ɔ́ɔmā í wɛ ɔyíkpó kú um ŋ́ eko nɛ̄ ɔyínɔ̄nyīlɔ kú ɔ̄cɛ í wā ipú ɛgahi kú nū, mɛ́mla ɛgahi kú Ádā mɛ́mla aálelékwū-ōtɛ̄hɔ̄ kú Ɔwɔicō ā.

Ujísɔ̄si da ɔ́ kahíníī, “Aɛ́pā lɛ ɔ̄gɔ̄ ɔlɛ́ uwā, aígbáanɔ kē lɛ ɔlɛ́. Amáŋ ami, Ɔyínɔ̄nyīlɔ kú Ɔ̄cɛ í lɛ ɛga nɛ̄ um gē lā kú abɔ̄yī n ŋ́.”

anɔ́ɔ ó da uwá kahíníī, “Ɔ̄cɛ dúúmā nōo mīyɛ ɔyípɛ̄ nyā ohígbū um, ayíbɛ ami nōó mīyɛ á. Ɔ̄cɛ dúú nōó mīyɛ um, ɔ̄cɛ nōo tū um ɛhɔ̄ ā nōó mīyɛ dúú á. Ohígbū ka ɔ̄cɛ nōó cɛgbá ŋ́ fíyɛ́ dúú ipú aá ā, anú wɛ ɔ̄cɛ nōo cɛgbá fíyɛ́ dúú á.”