Popular Bible Verses from ULÚKU 8

Share

Aíkpɔ̄dā nēe pɛ́ bá ajɛ olɔhi ā kwɛyí ācɛ nēe pó olɛhɔ̄ ā klla mīyɛ ɔ́ tū ipú ɔtū olɔhi kú uwā. É lɛ ɔ́ tá ɔtū jāā gbéeko nēé lɛ ikpō gwá.

Aíkpɔ̄dā nēe pɛ́ bá ipú ɔcí ujē ā kwɛyí ācɛ nēe pó ɛlā ā, amáŋ unwalu mɛ́mla agbénú mɛ́mla abahi kú oyēeyī nyā lɛ ɛlā ā kwu bá, anɔ́ɔ é jɛ̄ gajɛ ō gwá ikpō ŋ́ má.

Aíkpɔ̄dā nēe pɛ́ bá ajɛ kú ápátɛ́cɔ̄ ā kwɛyí ācɛ nēe le olɛhɔ̄ ā pó mīyɛ cɛ̄ mla ɔtū nɛ̄hɛ́. Amáŋ ɛlā ā í ga ipú ɔtū kú uwā ŋ́. Ɛlā ā yɔ̄ ipú ɔtū kú uwā eko kpií. Amáŋ eko nēé le ojámá yá uwā kéē má ɛ́gɛ́nɛ̄ é lɔtūce Ɔwɔicō lɛ ā, é tá ka aá pó ɛlā ā gɛ ŋ́.

Anɔ́ɔ ó da ayíkpó kú nū kahíníī, “Ɔdíyá nɛ̄ aá lɔtūce Ɔwɔicō ŋ́ mā?” Amáŋ é le kpó hídáagó, ufi klla le uwá kpó kwú. É ka lɛ iyī uwā kahíníī, “Ɔnyɛ yɔ̄ ā mɛ́ɛ̄? Ó le ɛgba dɛ̄ tū owu mɛ́mla úgbagwú, é kē lɛ ɛlā kú nū pó!”

Aíkpɔ̄dā nēe pɛ́ bá ɔwɛ ā kwɛyí ācɛ nēe pó ɛlā ā, amáŋ ebilíi le yá, kéē kwú mlanyi ɛlā nēé pó ā cɛ́ɛ́ kéē híīī mīyɛ ɛlā ā cɛ̄ dɛ̄ɛ̄, ɛ́ɛ́ nɛ̄ Ɔwɔicō kōō ī nya uwá tá ŋ́.

Ɔdā dúúmā nēé kwú tayínū ŋmá ɛgiyí ācɛ, é géē bī ɔ̄ wɛ̄ɛcɛ péee. Ó lɛ ɔdā dúúmā nēé lɛ ácí ŋmó klá anú nēé gáā pīyɛ ɔ̄ tɛ́ɛcɛ gēdēē ŋ́ nɛɛ ŋ́.

Ɔ̄cɛnyā ā má kéē lɛ ɔkwu anúɔ jé ɛɛ́, anɔ́ɔ ó fīyégbúlú wɛ̄ɛcɛ, gaá má gbo klá ikpó kú Ujísɔ̄si. Ipeyí ɛjɛ̄ɛ̄jī ācɛ ā ó lɛ ɔdā nōo yá ɛ́ɛ́ nōó lɛ abɔ̄ kwu ɔ́ ā kpó ka lɛ ɔ́ mɛ́mla ɛ́gɛ́nɛ̄ ó le hɛ́tá bōōbū ā. Ujísɔ̄si da ɔ́ kahíníī, “Adá um, ɔtū nɛ̄ a le ce Ɔwɔicō ā, lɛ uwɔ hɛ́tá. Nyō ɛbɔ́ mɛ́ɛnɛ.”

Ayíkpó ā le tá ɛgiyí Ujísɔ̄si gaá lɛ ɔ́ héyī ŋmá iyɔ̄lā yɔ̄ ī kahíníī, “Ɔkpani, Ɔkpani! Alɔ gáā pɛ́ kwú ɛɛ́ n!” Ujísɔ̄si cāŋjɛ háyi icō anɔ́ɔ ó lɛ ɛgba dɛ̄ tū owu mɛ́mla éŋkpɔ̄ nɛ̄ úgbagwú yɔ̄ ī tá ɔ̄ ā, anɔ́ɔ é mā, nɛ̄ abɔ́ɔ má tá siimm á.