Popular Bible Verses from ULÚKU 18

Share

Anɔ́ɔ Ujísɔ̄si le ita éyi kwu lɛ ayíkpó kú nū kóō nwū uwā kéē cíkā ō gbɔ̄ɔkɔ lɛ Ɔwɔicō ojigógó, kéē híīī gbagbafú ŋ́.

Ó lɛ ā, Ɔwɔicō í gáā hɛ́pɔ̄hi lɛ ācɛ nēe wɛ ákú nū nēe gē jikwū otú mɛ́mla ɛnɔ tū ɔ̄ kóō tá uwā abɔ̄ ā ŋ́ nɛɛ? Ó géē kpéko bónū kóō tá uwā abɔ̄ nɛɛ? N̄ da aá ka, ó géē hɛ́pɔ̄hi lɛ uwá fíyaa fíyaa. Amáŋ Ɔyínɔ̄nyilɔ kú Ɔ̄cɛ ā géē má ācɛ nēe lɔtūce Ɔwɔicō kpɔ́ eko nōó kwúcē wā aa?”

Ujísɔ̄si tóohi kahíníī, “Ɔwɔicō lɔfú ō yá ɔdā nɛ̄ ɔlɛɛcɛ í yá glá ŋ́ mā.”

Gbóógbó ā ɔ̄cohɛ́pɔ̄ í yá ɔdā dúú lɛyíkwu ɛpɔ̄ ā ŋ́. Amáŋ igbīhāajɛ ā, ó da iyī nū kahíníī, ‘N yúúfi Ɔwɔicō ŋ́, ɛ́ɛ́ nɛ̄ n kōō í le ojīlīmā ce ɔ̄cɛ ŋ́. Amáŋ ɔnyōkwū nyā í cɛ̄ gā um lɛ enyi gwá lɛ uklló ce ɛtɛ́ ŋ́, ohígbū ɔ́ɔmā ā, ń géē lɛ ɛpɔ̄ kú nū hɛ́ lɛ ɔ́. Ɔ́dāŋ ka ń yá lɛ ā ŋ́, ó géē yɔ̄ ī wā jāā gbéeko nɛ̄ eyī le cé um!’”

Aá blakwu ɛ̄nyā! Ɔ̄cɛ dúúmā nōó cɛ̄ kú Ɔwɔicō kóō lé ɔcɛ́ oyēeyī kú nū bɛ̄ɛka ayípɛ̄ ā ŋ́, í gáā wɛ ɔ̄cɛ kú ajɔ̄ɔ̄cɛ́ kú Ɔwɔicō glá ŋ́.

Amáŋ Ujísɔ̄si le ayípɛ̄ ā hīgwú wā ɛgiyí nū anɔ́ɔ ó kahíníī, “Aá jɛga lɛ ayípɛ̄ kéē wā ɛgiyí um. Aá híīī ci uwá o wā ɛgiyí um ŋ́, ohígbū ka ācɛ nēe lɛbɛ̄ɛka ayípɛ̄ nēe bá nyā lɛ ajɔ̄ɔ̄cɛ́ kú Ɔwɔicō á.

Anɔ́ɔ Ujísɔ̄si da ɔ́ kahíníī, “Mɛ́ɛbɛ mɛ́ɛ́nɛ! Ɔtū nɛ̄ a le ce Ɔwɔicō ā le uwɔ hɛ́tá ɛɛ́.”

Ujísɔ̄si da ɔ́ ɔ̄kā kahíníī, “Ɔdíyá nɛ̄ a hī um ka ɛ́nɛ́nɛ̄ ɔ̄cɛ ā? Ɔ̄cɛ ɔhá dúú í lɔhi ŋ́. Ɔwɔicō ōfōōfūnū lɔhi á.