Popular Bible Verses from UJƆ́NI 16

Share

N ka ɔdā nēe bá ā lɛ aá, ká aá lɛ ɛbɔ́ ɔ́dāŋ ka aá yɔ̄ ī piyatɔ̄há mla um. Ācɛ kú ɛcɛ géē yá ká aá móōwē. Amáŋ aá lɛ ɔtū lɛ! Ohígbū ka n lɛ ɛcɛ yálé mɛɛ́.”

Eko nɛ̄ Alelékwū kú ɛlā ɔkwɛ̄yi ā gā, ó géē bī aá tá ga ipú ɛlā ɔkwɛ̄yi dóódu. Ohígbū ka, ó gáā kɛlā ŋmá ɔfú kú abɔ̄yī nū ŋ́, amáŋ ɔdā dóódu nōó pó, nōó géē ka á, ó klla géē da aá aɔ́dā nēe gē wā ā.

Gbɔbū lɛ abālɔbányā, aá dɔɔ̄kā ɔdā dúúmā ŋmá lɛ iyē kú um ŋ́. Aá dɔɔ̄kā, aá géē mīyɛ, ká éeyē kú aá kóō le mu.”

Amáŋ n̄ da aá ɛlā ɔkwɛ̄yi, ó géē tū ile lɛ aá ká n̄ nyɛ̄ɛ̄, ohígbū ka ɔ́dāŋ ka ń nyɛ̄ɛ̄ ŋ́, otɔ́tūlé ā í gáā wā ɛgiyí aá ŋ́. Amáŋ ɔ́dāŋ́ ka n le yɛ, n géē tū ɔ̄ ɛhɔ̄ fu aá. Eko nɛ̄ ó gā, ó géē mafú lɛ ācɛ kú ɛcɛ ka é jé ɔdā dúú lɛyíkwu ínoōbīya ŋ́, é klla jé ɔdā dúú lɛyíkwu ɔdā nōo le kpaakpa ŋ́, ɛ́ɛ́ nēé ī jé ɔdā dúú lɛyíkwu ɛpɔ̄ nɛ̄ Ɔwɔicō gē hɛ́ ā ŋ́.

Ɛ́gɔ́ɔmā nɛ̄ ó lɛ abālɔbányā lɛ aá á, aá yɔ̄ ī yá ɔtū nōbí, amáŋ n géē má aá igbɔhá ɛ́ɛ́, ɔtū klla géē he aá. Cɛ́ɛ́, ɔ̄cɛ dúúmā í gáā je éeyē kú aá ŋmá ɛgiyí aá glá gɛ ŋ́. Ɛ̄cī ɔ́ɔmā aá gáā da um ɔ̄kā dúúmā ŋ́. Ɔkwɔ̄ɔ̄kwɛ̄yi, n̄ da aá ka, ɔdā dóódu nɛ̄ aá dɔɔ̄kā ŋmá ɛgiyí Ádā ā, ó géē je lɛ aá ŋmá iyē kú um.

Ɔkwɔ̄ɔ̄kwɛ̄yi, n̄ da aá ka, aá géē jikwū, klla géē tɛgíkwū, amáŋ ɛcɛ ā géē gwéeyē. Aá géē bá ipɔ́tū nōbí, amáŋ ɔtūnōbí kú aá géē je pīya ɔtū nɛ̄hɛ́.