Popular Bible Verses from OHÚTU 13

Share

Odúúdú ajɛ nɛ̄ a má ā, n géē je lɛ ipɔ́ɔma kú uwɔ̄ piyóó

Igbīhāajɛ nɛ̄ Ulɔ́tu nyɛ̄ɛ̄ ā. Óndú ā da Ébram kahíníī, “Leyī yi ɛga dóódu o ŋmá ɛga nɛ̄ a háyi āa oŋmá ɛhícō mɛ́mla ɛháajɛ, ɛnɔ̄ɔ̄cī mɛ́mla ɛnɔ̄ɔ̄nɛ̄ āa.

N géē yá kú ipɔ́ɔma kú uwɔ kóō nyīla bɛ̄ɛka áluka kú ɔjɛ ā. Ɔ́dāŋ ka ɔ̄cɛ dúúmā gbo ɔjɛ áluka glá, ayíka ó géē gbo ācɛ ipɔ́ɔma kú uwɔ áluka glá.

Anɔ́ɔ Ébram da Ulɔ́tu kahíníī, “Alɔ wɛ ɔmáapú, ikpɛ́lā í cíkā ō yɔ̄ otāhɛ̄ ācogbāálá kú um mɛ́mla ákú uwɔ ŋ́.

Anɔ́ɔ Ébram lɛ áklɔ̄kpɛ kú nū fu ga iyɔ̄bū, gaá lā ɛga aɔ́cí nēé hī ka óoku kú Umámre, nōo yɔ̄ ipú ajɛ kú Uhɛ́brɔn ā. Ó le ede gwó lɛ Óndú ā abɔ́ɔ.

Anɔ́ɔ Ulɔ́tu je eyī gicō, anɔ́ɔ ó le má ka ɔpɛ́ kú Ujɔ́dan ā, ɔ́ɔ lɛ éŋkpɔ̄ bɛ̄ɛka ɛhɔ̄ kú Óndú ā Ó klla lɛbɛ̄ɛka ajɛ kú Íjīpiti o lɛyíkwu Ussówa ā. Ɛ̄nyā wɛ o gbɔbū ɛ́ɛ́ nɛ̄ Óndú ā je Usɔ́dɔm mɛ́mla Ugomóra gblífi ā.