Popular Bible Verses from Yahwana 15

Share

“I an nfur anap ni, antə giri an tsiyayerari ni. Kəlara mdə na ndzi akwa iya, antə I ndzi akwa tsa, tsa an ata ya na hangari. Kamnyar ma kula iya, su aɗi tə giri ata mzhi harari wa.

Ka giri ndzi akwa iya, kəi ndzi akwa giri tsuwa. Apatə tsiya nfwa amzhi ya ka kərari wa, tar ma tsa ndzi tsu ata dza nfu ni, apani su aɗi tə giri amzhi harari wa, tar ma giri ndzi tsu akwa iya.

Ma giri ata ndzəndzi akwa iya, tə ndərərna ata ndzi akwa ɗəffa giri, giri ata mzhi yu kəlara su tə giri akwa barari, mda ata hamta ala giri suari.

Aɗi giri an carɓəla ra wa, amma I an carɓəla giri, ka pwi giri abbər ka giri mwari ka giri ya hang, tsuwa ka yar giri ni ndzi ya na ata fəi. Antə apani kəlara su tə giri ku kiɗa akəla Tədda akwa thləmi, tsa ata na ala giri.

Hirkur aɗi na olta ngəni wa, abbər ka mdə hamta mpikari kamnyar pazhayeri arni!

Kəlara tsi na aɗi akwa ya wa, tsa ata nthləmtari. Kəlara tsi na akwa ya, tsa ata ntsəhəmtari, kamnyar ka tsa vərvər ya hang.

Tsawurna ni an apani, ka giri hir nvwa giri apatə I ku hir giri.

Giri ata haptə səliyir Təddarna, ma giri akwa yatədzi hang, ka ncanta abbər giri an mjirthlipərna.

“I an nfur anap na jirari ni, antə Təddarna an mdər wul gadinar anap ni.

Kamnyar kəlara mdə na aɗi ata ndzi akwa iya wa, tsa ata ndzi apa tsiya nfwa tə mdə nthləmta ka psəmta ni ka tsa ula. Tsuwa mda ata tsaptə tsiyayerari ni, ka mdə puwa akwa u'u, ka da mbamtadzi.

“I pəla ala giri suayeri ngəni kamnyar ka giri ndzi nghyinghyari ka jili kucali tə I kəgari ni.

Ma giri ata kələngkər aka ndərərna, I ata ləkəma ka hir giri, tsu apatə Təddarna akwa hir ra, kamnyar tə I ana kələngkər alari.

Ngəni an tsawu tə I akwa hamta ala giri ni, abbər ka giri hir nvwa giri.”

Ma giri an ar duniya, duniya ata hir surni. Amma tə giri aɗi ar duniya wa, tsuwa I ku carɓəla giri abbər ka giri səɓəla kazhar duniya, an su na hara tə duniya akwa nggəlar giri ni.