Popular Bible Verses from Yahwana 13

Share

Tsawu na bilən antə I akwa na ala giri, abbər ka giri hir nvwa giri. Tsu apatə I ku hir giri, antə ka giri hir nvwa giri tsuwa. Atar apani antə shanga mji ata sənda abbər giri an mjirthlipərna, ma giri hir nvwa giri.”

Antə ma I na Mthlakər giri ka Maləmər giri, ku kəcimta səla giri, giri ma tar ka giri kəcimta səla nvwa giri tsuwa. Kamnyar I ku ncanta ala giri lakwari, kamnyar ka giri hara tsu apatə I ku hara ala giri.

Antə Yesu shinau alari ka pəla, “Su tə I akwa harari ni ga asəndə kulini wa, amma akəmazi ga ata sə nggaɓəlari.”

Jiri, I akwa pəla ala giri, mafa aɗi ana təramta mthlakərni ka olkur wa, tsuwa mdər thlenta aɗi ana təramta mdə na thlentə ni ni ka olkur wa.

Kulini tə giri ku səndə suayeri ngəni ni, Hyel ata vədza ala giri barka, ma giri akwa hara ɗa.

Antə tsa thlata akwa sakar susəmər tahaku ni, ka ntsui ləptərni na ola ka pwi, ka fatə tawal ka mbwi kusarari kəgari. Antə tsa pu yimi akwa tasa ka baɗitə kəcimta səla mjirthlipərni, ka fwavumta ka tawal tə tsa mbwi ata kusarari ni.