Popular Bible Verses from Mark 11

Share

Hīmī sin lāgītl nīkiūkl ḵā nāhwā yūs hawāḵulā gītl glū uḵ‐k̤iāla sū wa, ūqisuḵs la mā ākūs lo kluk, lāh dāḵw mī sis aulā‐kl lo kluk.

Kāḵ gin aulī gin nīkiūkl, yiḵā ungwā kla nīk kluḵ gada nugek, wīga klīqilīsuḵ kās lā ūs zuḵstā lāḵā k̤lāsāqī, glū kīs wīwayūqizīkulā lāḵ lāḵīs naukāyī, au um glātl ūqis ḵīs wātldumāḵs hīmī klī qelā klī; lā klī lo kluk.

Wa gilh daḵw mī sis glāḵwātla hawāḵulā, klalīwī‐lā kāsū qīh‐īdaās tsū nūgwaāgiūtl lāḵs numūqa bagwānum; kā ūgwākī sīs Umpa ūs yiḵī da he lī da īke klalīwī ḵīs hūsūs yāksum qīgīlasa.

Lī Jesus yāk̤ugātl nīk lāh dāḵwuk, ūqislā ḵā Ike Gīkumī.

La glīḵs‐uh‐īd, nīk lāh dāḵwuk, kīsa ī k̤iaduqa ā, Ḵun gūqī glīkād klīs hawāḵulazī kā ī da nāhwā līlqilāklāya, lā glā tas lā gilūglāzī masuq.

Wa yih dāḵw ḵī da gāla‐gīwāyī, hīmīsī da ulḵglīh dāḵwī hāsilas, Hosanna, ek wīs tī da gāḵī lāḵ glīkuma sa Ike Gīkumī

Ek wīs tī da gīkāsa gāḵ‐kl, yiḵ gīkāsa sints ūmp wūtla ī David: Hosanna lāḵī da īkiā‐kāwī.