Popular Bible Verses from Mark 10

Share

Kā aula īnāyā sī da Ḵwanūqas bagwanum k̤īs hī gā‐gaḵītl kās aāḵsīlā sa wī, hī āglātl kās aāḵsīlī, glū kās zawe sīs bagwanum īnāyī kilhwās kā ī da kīnumī.

Lī Jesus dūḵwīd lāh dāḵwuk nīkia, tlāhwātla umhs glā tā kā bagwanum, kīs glā tā lāḵā Ik̤e Gīkumī, kā īḵs kīyosa ī wāhsūwī da Ik̤e Gīkumī.

Lī Jesus nīk yuk, hāga ek umḵ, la ums hītl‐tsīstā matsū sīs ūqizīnāyūs: wa lamīs hīh‐īda um duqilāh‐īda, kās lāskumā yīk lāḵā tihyilā.

Lāgītl klisa le āḵūtsū sa Ike Gīkumī, kīs klila gwītl‐zun tsūs numūqa bagwanum.

Lī Jesus dūdūḵs‐unduk, la tlāhwila nūqs, la nīk yuk, numīs wayūglānuma ūs: hāga lāḵūd ḵīs māmīkiasa ūs, kās yāqā ūsā ḵā wī‐awūsīlākā, lamīsis lā‐kl k̤īk̤iyād‐kl lāḵā īk̤e awīnāgwīs, glū kās gāḵa ūs legī gāḵun.

Lī Jesus nīk yuk, māsīs qayau ūs kun qīh‐īdaās kās? lī da pupāsī bagwānum nīk yuk, Gīkumī, kās wāḵā ūs dih‐īdā mas gāḵun.

Kīs glā tā klis hī gāḵ qīx dāḵw klī: yiglā ḵī da nīk kla kās awīlī‐kl lāh dāḵwūkl, hīlūbātl‐zanī klī yūs.

Aulin nīkiūkl, yiḵ ungwā kla kīs dādāla kluḵ gīkāsa sa Ike Gīkumī hī qīxī ginanum bīdāwī, kīsā las tī la‐īkl lāk.

Lā glā tī kīnumī da gālā‐gīwāya, lā‐kl ātlilḵsdī‐kl; hīmīsī da ātlilḵsdiyā lā‐kl gālāgīwī‐kl.

Geh‐īd glā‐kl lākīḵs gāla ūtlūḵ da nāhwāḵ uḵāya, lūtlī da Ik̤e Gīkumī baqīl glū zidākīla. Hīmīs lāgītl klisa bagwānum bo sīs ūmpī gla wīs abumpī, kās le lāḵīs kunumī. Lā klīḵs mālūqa ī numūq um‐kl lā‐kl, kās kīsī‐kl lā‐kl ītīd‐kl mālūq‐kl, au‐um glātl lā‐kl numūq um‐kl.