Popular Bible Verses from ROM 14

Share

Pathian ram chu ei leh in lam thu a ni si lo va, felna te, remna te, Thlarau Thianghlima lâwmna te a ni zâwk e. Tu pawh chûng thûa Krista rawng bâwl chu, Pathian lawm zâwng leh mihring fakin a awm ṭhîn a ni.

Kan nun chuan Lalpa tân kan nung a, kan thih pawhin Lalpa tân kan thi a ni si; chuvângin, kan nun pawhin, kan thih pawhin, Lalpa ta kan ni.

Chutichuan, inremna tûr leh intihsâwt tawnna tûr thilte chu i ûm ang u.

Chuvângin, i insawisêl tawh suh ang u, tu pawhin mahni unau dâlna emaw, tlûkna emaw siam loh tum zâwk rawh u.

“Lalpa chuan, ‘Mi tinrêng Ka hmaah an kûn ang a, Lei tinrêng pawh Pathian hnênah a inpuang ang, Tiin, chhia ka chham a ni,’ a ti a,” tih ziak a ni si a. Chutichuan, kan zain Pathian hnênah mahni chanchin kan sawi ṭheuh tûr a ni.

Tin, rinnaa chak lo mi chu a rinhlelhnate sawisêl lovin lâwm rawh u.

Mi dang chhiahhlawh sawisêltu chu tu nge maw i nih le? A din leh a tlûk chu ama hotu tân a ni. Nimahsela, ani zawng dintîrin a awm ang, Lalpa chuan a dintîr thei si a.