Popular Bible Verses from Matthaia 13

Share

Tin, lei ṭhaa theh chu, thu chu benga hriaa a ngaihna hre bawk hi a ni; chu mi chu a rah ngei a, ṭhenkhat a leh za te, ṭhenkhat a leh sawmruk te, ṭhenkhat a leh sawmthum tein a pung ṭhîn,” a ti a.

Tin, hnimhlîngnei zînga theh chu, thu hretu a ni a; nimahsela, khawvêl lungkhamna leh hausakna bumna chuan thu chu a dîp a, rah lovin a lo awm ṭhîn.

Tu pawhin ram thu chu benga a lo hriata, a ngaihna a hriat si loh chuanin, mi sual chu a lo kal a, a thinlunga theh sa chu a chhuhsak ṭhîn. Chu mi chu kawng dunga theh chu a ni.

Tin, pialtlêp hmuna theh chu, thu chu hriaa lâwm taka pawm nghâl ṭhîn hi a ni; nimahsela, amahah chuan zung a awm lo va, rei lo tê chauh a awm a; tin, thu avâng chuan hrehawmna emaw, tihduhdahna emaw a lo awm veleh a tlu nghâl mai ṭhîn.

Vânram chu lova ro phûm rûk ang a ni; chu chu miin a hmu a, a thukru a; a lâwm avângin a neih zawng zawng chu a va hralh a, chu lo chu a lei ta a.

Tin, a ṭhen lei ṭhaah a tla a, ṭhenkhat a leh za te, ṭhenkhat a leh sawmruk te, ṭhenkhat a leh sawmthum tein a lo rah ta a.

Buh seng thlengin ṭo za rawh se; tin, buh seng hunah chuan buh âttute hnênah, buh lem chu la khâwm hmasa zet ula, hâl tûrin têl rawh u; buh erawh chu ka buh inah seng lût rawh u, ka la ti ang e,’ a ti a,” a ti a.