Popular Bible Verses from Matthaia 12

Share

Tin, ka hrilh a che u, miten thu lawi lo an sawi apiang, chûng thu chu rorêl nîah chuan an sawi fiah a la ṭûl ang. I thu chuan thiam a chantîr ang chia, i thu vêk chuan thiam loh a chantîr bawk dâwn che asin,” a ti a.

Rûl thlahte u, nangnin sual reng chungin engtin nge thu ṭha in sawi theih ang? Thinlunga khat liam chu kain a sawi ṭhîn asin.

Mi ṭha chuan a ro bâwm ṭha ata thil ṭhate a theh chhuak ṭhîn a, mi sual chuan a ro bâwm chhia ata thil chhiate a theh chhuak ṭhîn.

Chuvângin, ka ti a che u, mi an sualna tinrêngah leh Pathian an sawichhiatna tinrêngah chuan ngaihdamsak an ni ang a; Thlarau meuh sawichhiatna erawh chu ngaihdamsak a ni lo vang.

Thing chu a ṭha, a rah pawh a ṭha, in tih loh vêk leh, thing chu a chhia, a rah pawh a chhia, ti law law rawh u; thing chu a rahah a hriat si a.