Popular Bible Verses from Matthaia 10

Share

Ngai teh u, chinghne zînga berâm awm angin ka tirh che u hi; chutichuan, rûl anga finga, ṭhuro anga pawi khawih lovin awm ang che u.

Tu pawh a nunna hmu chuan a chân ang a; keimah avânga a nunna chân chuan a hmu ang.

Tin, taksa tihluma thlarau tihlum thei lotute chu hlau suh ula; Gehenna-a thlarau leh taksa tiboral theitu chu hlau zâwk ang che u.

Tu pawh a kraws pua mi zui lo chu ka mi ni tlâk a ni lo.

Chutichuan, mite hmaa mi ṭan apiang, ka Pa vâna mi hmaah ka ṭan ve ang. Nimahsela, tu pawh mite hmaa mi phat apiang, ka Pa vâna mi hmaah ka phat ve ang.

Damlote tidam ula, mitthite kai tho ula, phârte tithianghlim ula, ramhuaite hnawt chhuak ang che u; a thlâwnin in hmu a, a thlâwnin pe ang che u.

Chuvângin, hlau suh u; chawngzawng tam tak aiin in hlu zâwk si a.

Khawvêlah hian rem lêntîr tûra lo kal emaw min ti suh u; rem lêntîr tûra lo kal ka ni lo va, khandaih lêntîr tûra lo kal ka ni zâwk.