Popular Bible Verses from GENESIS 45

Share

Nimahsela, heta kal tûra mi hralh avâng hian lungngai suh ula, mahni inhaw duh hek suh u; mite nunna chhandam tûrin Pathianin in hmaah mi lo tîr hmasa a nih hi.

Chutichuan, heta mi kaltîrtu hi nangni in ni lo va, Pathian a ni zâwk e; ani chuan Pharaoa paah leh, a chhûngte zawng zawng hotuah leh Aigupta ram zawng zawng rorêltuah mi siam ta a.

Tichuan, leiah hian chithlahte zuahsak tûr che u leh, chhandamna ropui takin nungdama ka awmtîrna tûr che uin Pathianin in hmaah hian mi lo tîr hmasa a ni.

Tin, Josefa vêkin a unaute hnênah, “Khawngaih takin mi rawn hnaih teh u,” a ti a. Tichuan, an va hnaih a. Tin, ani chuan, “In unaupa Josefa, Aigupta rama luhpui tûra in hralha kha ka ni.

He kum hnih chhûng hian he ramah hian ṭâm a lo tla ta a; kum nga a la bâk a, chumi chhûng zawng lei leh hi a awm lo vang a, buh lâk pawh a awm hek lo vang.

Tin, Josefa chuan a unaute hnênah, “Josefa kha ka ni; ka pa chu a la dam maw?” a ti a. Nimahsela, a unaute chuan an chhâng thei lo va, a hmaah chuan mangang takin an awm ta a ni.