Popular Bible Verses from ĠENESI 39

Share

U l-Mulej kien ma’ Ġużeppi; għalhekk kien bniedem li kellu r-riżq. U baqa’ fid-dar ta’ sidu l-Eġizzjan.

U ħalla kulma kellu f’idejn Ġużeppi u ma kien irid jaf b’xejn mingħandu, ħlief bil-ħobż li hu kien jiekol. U Ġużeppi kien ta’ sura sabiħa u wiċċu ħelu.

U l-kap tal-ħabs ħalla f’idejn Ġużeppi l-ħabsin kollha li kien hemm; u kulma kien isir hemm ġew kien jagħmlu hu.

U sidu qabad lil Ġużeppi u xeħtu l-ħabs fejn kienu magħluqa l-ħabsin tas-sultan. U hu baqa’ hemm fil-ħabs. Imma l-Mulej kien ma’ Ġużeppi u wera tjieba miegħu, u għamel li jsib grazzja f’għajnejn il-kap tal-ħabs.

U ġara li wara dan kollu, mart sidu xeħtet għajnejha fuq Ġużeppi u qaltlu: “Imtedd miegħi.” U hu ma riedx, u qal lil mart sidu: “Ara, sidi ma jrid jaf b’xejn mingħandi dwar x’hawn fid-dar, u kulma għandu rħieh f’idejja. Ħadd mhawn fuqi f’din id-dar, u hu ma ċaħħadni minn xejn ħlief minnek, għax inti martu. U kif nista’ nagħmel dan il-ħażen hekk kbir u nidneb kontra Alla.”

Ġara li darba waħda bħal dari Ġużeppi daħal id-dar jagħmel ix-xogħol tiegħu u ma kien hemm ħadd min-nies tad-dar ġewwa. U hi qabditu minn ħwejġu u qaltlu: Imtedd miegħi.” U hu telaq il-libsa f’idha, ħarab u ħareġ ’il barra.