Popular Bible Verses from LUKA 6

Share

Thlaangtloe te do a dan u lah, Pathen lawng nangmi te n'dodan van ai: Atak tang ni, abetoet la avan loeng ai, apueh asawm la te na dang ai, na kut dawngah avan lun vetih na phueih tloel toela m'peek ai. Nang lawng thlaangtloe ham na hawna loengkhong te ang van te Pathen lawng nang ham a hawna van ai” a tina.

Thlaang theen lawngtah a thinkaw lungbui khuikah thaihu theen a tung asep khui kalawng atheen thaihu te a thoeng sak; thlaangthe lawngtah thaihu the a tung asep te a thoeng sak. Metihtiah thinkaw khuiah abetoet te hui a kaa lawng a thui.

Nangmi lawngtah te tila sai boel! Na raal thli te lungna langtah ahimi sawah theenna te sai peh; thaihu te pu u lah, dang koep ham ngaiuep hanlan tlaih boel. Nangmi lawng alentloe kutdo na dang u vetih Tloeng Khoelh Pathen kah ca anau la na awm u ai. Metihtiah ahih tah lungvatna aka ming nawh oen thlaangthaipalat thlaang thli sawah theenna te a sai pe.

Nangmi kah na Pa lawng thlaang reenna kaw a poek van angla nangmi lawngkhaw thlaang reenna kaw te poek uh.

“Thlaangtloe te awl cek boel, tetih atah Pathen lawng nangmi te awl n'cek van manawh; thlaangtloe te sal-aphaam boel, tetih atah Pathen lawng nangmi te n'sal-aphaam van manawh; thlaangtloe sawah khawdawp ngaai u lah, tetih atah Pathen lawng na sawah khawdawp a ngaai van ai.

“Tede ka awl he aka hutung nangmi tengah kavan thui u: Na raal te lungna u lah, nangmi aka thina thlaang thli hamla theenna te sai pe uh, Nangmi aka tapvoep thli te yotheenna pe u langtah nangmi thekhana thlaang thli ham thangthui pe uh.

Thlaang lawng na sawah van sai seh tila na ngaih van angla thlaangtloe sawah khaw sai van.

Thlaang lawngah na beeng khatben te avan bel atah khatben te khaw bel sak baal; pakhat lawngah asawkah na buen angki te avan lawh atah adangkah na buen angki te khaw pe hawn. Na tengah thaihu aka bih thlaang te pe u langtah pakhat khat lawng na thaihu te a lawh atah bih koep boel.

Thingkung theen lawng athaih the te thaih nawh, thingkung the lawngkhaw athaih theen te thaih nawh.

Thingkung boeih he athaih apai oen ming thai la awm; nangmi lawngah thliingkung dawngkah thaidut thaih te na bit u nooek nawh, thliingkung dawng-kah misur thaih khaw na bit u nawh.