Popular Bible Verses from JEREMIAH 23

Share

Ka mu thei lo nadingin koi in phuolsel munah amate phuol thei ding ahei? TOPA in ci hi. Vantung le leitung dim hi lo ka mah? TOPA in ci hi.

TOPA in kang ci-in, keima in David adingin a thudih a bazam khat ka tundawh ding hun ang tung valon ding a, ama kumpi bangin maang ding a, pilvang tahin vai hawmin gam sungah thudih thutang tawh thu a khen ding hi. Ama’ hun sungin Judah kihundam ding a, Israel lungmuong tahin a teng ding hi. Ama a kihlat nading min in: “TOPA eite’ Dihtanna,” ahi hi.

Ka gantatna munah tuuhonte a susie, a kithezahsah tuucingte in gimna thuoh ding uhi! TOPA in ci hi.

Tua ciengin kei mama in amate ka delmangna gam zosie panin a omlai ka tuuhon teng ka kaikhawm ding a, a huong sung vuah amate peipikia-in amate pungin a khang ding uhi. Amate a cing dingin tuucingte ka koi ding a, zau nawn lo, lungkham nawn loin khat beh zong mang nawn lo ding hi, TOPA in ci hi.

Vanglien TOPA in tam bangin gen hi: Na kung vuah thu hing genin note ang sol kamsangte’ thugente ngai sih un; amate in a lungsim sung vua a geltawm uh thute ang gen uh ahi bo a, TOPA’ kam sung pan hi lo hi.