ဒီးတုၤစီၤယိၤဘးအတံၤသကိးသၢဂၤ, ပှၤတ့ၤမၣ်ဖိစီၤအလံ ဖးစး, ပှၤၡူၤဃးဖိစီၤဘံးလဒး, ဒီးပှၤနၤမးဖိစီၤစိဖၢ်နၢ်ဟူ ဝဲလၢကယဲၢ်တၢ်အၢလၢအဘၣ်အီၤဒီး, အဝဲသ့ၣ်ဟဲဝဲတဂၤ လၢအလီၢ်ဒၣ်ဝဲ, တဂၤလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်လီၤသကိးအသးလၢကဟဲ, ဒ်သိးကပာ်ဖျါထီၣ် အတၢ်သးအုးဃုာ်ဒီးအီၤဒီးမၤမုာ်ထီၣ်က့ၤအီၤလီၤ. ဒီးဖဲအဝဲသ့ၣ်ထံၣ်စီၤယိၤဘးလၢအယံၤန့ၣ်, အဝဲသ့ၣ်ကွၢ်နီၣ် အီၤတဘၣ်ဘၣ်. ဒီးတုၤအကွၢ်နီၣ်အီၤဘၣ်န့ၣ်အဝဲသ့ၣ်ကိး ထီၣ်လၢအကလုၢ်ဖးဒိၣ်ဒီးဟီၣ်ဝဲ, ဒီးအဝဲသ့ၣ်ဖှီအဆ့စုာ်စုာ် ဒီးဖှံထီၣ်ဟီၣ်ခိၣ်အကမူၣ်ဆူမူခိၣ်ဒီးလၢအခိၣ်အဖီခိၣ်လီၤ. ဒီးအဝဲသ့ၣ်ဆ့ၣ်နီၤဃုာ်ဒီးအီၤလၢဟီၣ်ခိၣ်လိၤနွံနံၤဒီး နွံနၤ, ဒီးတကတိၤတၢ်ဒီးအီၤနီတဂၤဘၣ်. အဂ့ၢ်ဒ်အံၤအဝဲသ့ၣ် ထံၣ်ဘၣ်ဝဲလၢအတၢ်နးတၢ်ဖှီၣ်ဒိၣ်နီၢ်မးန့ၣ်လီၤ.