Popular Bible Verses from လံာ်စီၤယိၤဘး 1

Share

တုၤနုၤတစုစီၤယိၤဘးဂဲၤဆၢထၢၣ်ဒီးဖှီအဆ့လၢတၢ်သးအုး အပူၤန့ၣ်လီၤ. အဝဲလူၤဝဲအခိၣ်ဒီးထိၣ်လီၤပှီၤအသးလၢဟီၣ် ခိၣ်လိၤဒီးဘူၣ်ထီၣ်ဘါထီၣ်တၢ်လီၤ. ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.” လၢကယဲၢ်တၢ်မၤတ့ၢ်အသးခဲလၢာ်ဒၣ်လဲၣ်အဃိန့ၣ်တၢ်ဒဲးဘး မ့ၢ်ဂ့ၤ, တၢ်ပာ်ဒ့ၣ်ကမၣ်ကစၢ်ယွၤမ့ၢ်ဂ့ၤစီၤယိၤဘးတမၤဝဲဒၣ် ဘၣ်.

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

ဒီးယွၤစံးဘၣ်မုၣ်ကီၤလံၢ်, “မ့ၢ်နကွၢ်ထံယခ့ယပှၤစီၤယိၤ ဘးတဂၤလၢနသးစ့ၢ်ကီးဧါ.” လၢဟီၣ်ခိၣ်ချၢန့ၣ်ပှၤအတီအလိၤ ဒီးပှၤအဂ့ၤဒ်သိးဒီးအီၤတအိၣ်ဘၣ်နီတဂၤဘၣ်. မ့ၢ်ပှၤပျံၤယွၤဒီးဟးဆှဲးတၢ်အၢတဂၤန့ၣ်လီၤ.

ဒီးယွၤစံးဘၣ်မုၣ်ကီၤလံၢ်, “ဂ့ၤလံ, ကယဲၢ်တၢ်လၢအအိၣ် ဒီးအီၤခဲလၢာ်န့ၣ်အိၣ်လၢနစိနကမီၤအပူၤလီၤ. ဘၣ်ဆၣ်တဘၣ် မၤဆါစီၤယိၤဘးအနီၢ်ကစၢ်န့ၣ်ဘၣ်.” အန့ၣ်ဒီးမုၣ်ကီၤလံၢ်ဟးထီၣ်ဝဲလၢယွၤအမဲာ်ညါန့ၣ်လီၤ.